Abakinnyi 11 Rayon Sports yabanje mu kibuga ku mukino wa Enyimba FC

Yanditswe na Manzi Rema Jules
Kuya 16 Nzeri 2018 saa 02:17
Yasuwe :
0 0

Umutoza Robertinho yashyize ahagaragara abakinnyi 11 agomba kwifashisha mu mukino w’ishiraniro Rayon Sports ifitanye na Enyimba FC yo muri Nigeria, kuri stade ya Kigali i Nyamirambo muri CAF Confederations Cup.

Rayon Sports iratangira urugendo rwo gushaka gukomeza kwandika amateka mu gikombe cya Afurika cy’amakipe yatwaye ibikombe by’ibihugu iwayo, kuri iki Cyumweru saa 15:00 icakirana na Enyimba FC mu mukino ubanza wa ¼.

Umutoza Roberto Oliveira Goncalves do Carmo uzwi nka Robertinho yahisemo kubanzamo nenshi mu bakinnyi bitwaye neza iyi kipe itsinda Young Africans bayobowe na kapiteni Rwatubyaye Abdul wasimbuye Manzi Thierry utemerewe gukina kubera amakarita.

Bashunga Abouba uherutse kongera amasezerano y’imyaka ibiri muri iyi kipe, yagiriwe icyizere abanza mu izamu imbere ye hakaza kuba hahagaze ba myugarir batatu Mutsinzi Ange , Mugabo Gabriel , na Rwatubyaye Abdul.

Nyandwi Saddam na Rutanga Eric baraba baca ku mpande bafasha mu kugarira no gusatira, Niyonzima Olivier Sefu utarakinnye umukino uheruka akaba yagarutse mu kibuga hagati gutanga umusanzu mu kurinda izamu.

Umunya-Ghana Prosper Kuka Donkor, Manishimwe Djabel na Muhire Kevin baraza gukina hagati ariko bafite inshingano zo gusatira izamu rya Enyimba FC kimwe na rutahizamu umaze iminsi yitwara neza, Bimenyimana Bonfils Caleb.

Kureba uyu mukino itike ya make ni 3000Frw ahasanzwe, 5000Frw ahatwikiriye na 30000 mu cyubahiro.

Abakinnyi babanje mu kibuga:

- Rayon Sports: Abouba Bashunga (Umunyezamu) - Ange Mutsinzi, Abdul Rwatubyaye, Gabriel Mugabo, Sadam Nyandwi - Prosper Donkor Kuka, Olivier Sefu Niyonzima, Kevin Muhire, Eric Rutanga - Djabel Manishimwe, Bonfils-Caleb Bimenyimana.

- Enyimba FC: Theophilus Afelokhai (Umunyezamu) - Andrew Abaologu, Ifeanyi Anaemena, Isiaka Oladuntoye, Utin Udo Ikouwem - Dare Moses Ojo, Augustine Oladepo - Wasiu Alalade, Sunday Adetunji, Joseph Osadiaye - Ibrahim Mustapha.

Abdul Rwatubyaye amaze kuba myugariro ngenderwaho muri Rayon Sports

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza