Kwamamaza

Abafana ba Rayon Sports bihanangirije komite kutagurisha Rwatubyaye muri APR

Yanditswe kuya 14-09-2016 saa 12:18' na Jah d'eau DUKUZE


Abafana b’ikipe ya Rayon Sports, babwiye ubuyobozi bwabo kudakora ikosa ryo kugurisha myugariro Rwatubyaye Abdoul muri APR FC nubwo bitazwi aho aherereye kugeza magingo aya.

Ikipe ya Rayon Sports, yasinyishije Rwatubyaye Abdoul mu kwezi kwa karindwi k’uyu mwaka, nyuma yaho uyu musore yari aboneye ko ibyo kwerekeza mu ikipe ya Topolcany bishobora kwanga.

Uyu musore wakurikiye mu ishuri rya ruhago rya APR FC, gusinya kwe kwakurikiwe n’amagambo menshi y’abakunzi ba ruhago, ndetse birangira atagaragaye na rimwe mu myitozo ya Rayon Sports.

Rwatubyaye Abdoul nubwo nta masezerano yari afite muri APR FC, bivugwa ko yasinyiye Rayon Sports nyamara yari yarabanje no gushyira umukono ku masezerano mu ikipe ya MFK Topvar Topolcany yo mu cyiciro cya gatatu muri Slovaquie. Ibi, byatumye agerageza uburyo bwose yakwerekeza muri iyi kipe, gusa isoko ry’igura n’igurisha ririnda rimufungiraho atabonye ibyangombwa.

Irengero rya Rwatubyaye nyuma yo gusinyira Rayon Sports nanubu ntabwo rizwi

Kuri ubu, amakuru avuga ko uyu musore yaba yaragarutse mu Rwanda nubwo bitazwi aho aherereye. Rwatubyaye, bivugwa ko yageze mu Rwanda tariki ya 9 Nzeri, ndetse ko ngo yaba ari kwifuzwa na APR FC ngo ibe yamusubirana.

Ubwo twavuganaga n’Umunyamabanga wa Rayon Sports, Gakwaya Olivier, yadutangarije ko kugeza ubu nta makuru y’uyu musore bazi, gusa ko batamwangira kugenda biramutse biciye mu nzira za nyazo.

"Kugeza ubu ntabwo tuzi aho Rwatubyaye aherereye,gusa icyo tuzi ni uko ari umukinnyi wacu.Nk’undi mukinnyi wese ufite amasezerano, hagize ikipe imushaka yaza tukavugana nta kibazo, nta mukinnyi tuzibira. Yaba Rwatubyaye, Shasir cyangwa se Bakame".

Uyu munyamabanga wa Rayon Sports, akaba yaboneyeho gutangaza ko amasezerano ya Rwatubyaye avuga ko mu gihe bamugurishije atari yatangira gukina, ikipe imushaka yakwishyura miliyoni 15 z’amanyarwanda ikamutwara.

Nubwo APR FC ihakana ko yaba yifuza kugarura uyu myugariro birereye, abafana ba Rayon Sports bo ntibashaka no kumva ikintu cyose gihuza Rwatubyaye n’ikipe bamukuyemo ya APR FC.

Aba, babicishije kuri Facebook, basabye ubuyobozi bwabo kuzemera guhemba Rwatubyaye adakina, aho kumutanga muri mukeba.

Amwe mu magambo yabo aragira ati:

"Twe twaguze umukinyi dukeneye ko ‘adukinira nakine iby’amafaranga si cyo twamuzaniye nabura muzayadusabe.

Mu myaka yose navuze nimwe Komite mwabashije gukora amateka atarakozwe n’izindi zababanjirije,mwihesha icyubahiro gihambaye mugura Umuhungu w’imfura wa APR bitazasibangana mu mateka. Bityo,mukomere kwihesha ishema mwihesheje mu muryango waba Rayon amafaranga ya APR ntituyashaka, bazayahe Mangwende(Imanishimwe) niwe ngo wakwepye inzara.Mureke Rwadukunze ntagurishwa."

Rayon Sports na APR FC mu gihe zigitegereje ibya Rwatubyaye, zizaba zisobanura kuri uyu wa kane tariki ya 15 Nzeri, ni mu mukino wa ½ w’irushanwa rya As Kigali, uzabera kuri stade Amahoro 18:00.

Bategereje igisubizo...
Rayon Sports yaraye itsinzwe na Kiyovu Sports izahura na APR FC kuri uyu wa kane

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved