Kwamamaza

Aba-Rayon berekeje i Rubavu mu mwiherero utegura shampiyona y’umwaka utaha

Yanditswe kuya 27-08-2016 saa 13:13' na Manzi Rema Jules


Abafana ba Rayon Sports bibumbiye mu itsinda ‘March Generation Fan Club’ berekeje mu karere ka Rubavu aho bagiye gukorera umwiherero w’iminsi ibiri bategura shampiyona y’icyiciro cya Mbere mu Rwanda, biteganyijwe ko izatangira mu mpera z’ukwezi gutaha.

Mbere y’uko shampiyona itangira, bimenyerewe ko abakinnyi aribo bitegura mu buryo butandukanye bakora imyitozo, bananura imitsi, aho abatoza bashaka amakipe bagakina imikino ya gicuti ibafasha kureba niba abakinnyi bashya baguze bari ku rwego rushimishije ndetse bakaboneraho no gutegura abasanzwe.

Nyuma yo kwishyira hamwe, abafana ba Rayon Sports, mu gitondo cyo kuri uyu wa Gatandatu berekeje i Rubavu aho bagiye gukorera umwiherero ugamije kurebera hamwe uburyo bitwaye umwaka ushize ndetse n’ingamba bagomba gufata zo gushyigikira ikipe yabo umwaka utaha.

Iri tsinda rikunze kugaragara aho Rayon Sports iba yakiniye hose mu gihugu bitwaje ingoma ndetse bakanashyigikira iyi kipe bakusanya inkunga ya buri kwezi ifasha mu buzima bw’ikipe.

Nk’uko IGIHE yabitangarijwe na Habumugisha Théoneste ushinzwe ibikorwa no gutegura ingendo muri iri tsinda, iyi ngo ni gahunda basanzwe bakora kuko umwaka ushize mbere ya shampiyona bakoreye umwiherero nk’uyu i Rusizi.

Yagize ati “Ni gahunda dusanzwe dukora mbere y’uko umwaka wa shampiyona utangira. Umwiherero w’umwaka ushize twari twawukoreye i Rusizi aho twashinze ishami rya Fan Club i Kamembe kandi ubu rirakora cyane. Birumvikana ni nacyo kitujyanye i Rubavu. Ikindi tugomba gufata umwanya tukareba uko umwaka ushize wagenze tukabona n’uko dutegura utaha.”

Iri tsinda rigizwe n’abafana basaga 120, mu minsi ishize ryatangaje ko ririmo gukusanya inkunga igera kuri miliyoni umunani zizafasha ikipe yabo kurushaho kwiyubaka ndetse ubu bakaba baramaze gushyikiriza ubuyobozi izigera kuri eshatu.

Abafana ba Rayon Sports bagiye i Rubavu mu mwiherero w'iminsi ibiri utegura shampiyona y’umwaka utaha
Byari ibyishimo ku bafana babarizwa muri ‘March Generation Fan Club’ mbere yo guhaguruka
Abagize ‘March Generation Fan Club’ berekeje i Rubavu mu mwiherero
‘March Generation Fan Club’ ikunze kugaragara ku bibuga byose ishyigikiye Rayon Sports

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved