00:00:00 IGIHE NETWORK KN KINYARWANDA EN ENGLISH FR FRANCAIS

Cristiano Ronaldo yageze ku gahigo ka Ali Daei watsindiye igihugu cye ibitego byinshi

Yanditswe na Eric Tony Ukurikiyimfura
Kuya 23 Kamena 2021 saa 11:58
Yasuwe :
0 0

Kapiteni w’Ikipe y’Igihugu ya Portugal, Cristiano Ronaldo, yageze ku gahigo k’Umunya-Iran, Ali Daei, watsindiye igihugu cye ibitego 109 mu mikino mpuzamahanga.

Cristiano Ronaldo w’imyaka 36, yabigezeho kuri uyu wa Gatatu mu mukino w’umunsi wa gatatu wo mu Itsinda F rya EURO 2020 warangiye Portugal inganyije n’u Bufaransa ibitego 2-2.

Muri uyu mukino wabereye i Budapest muri Hongrie, Cristiano Ronaldo, yatsinzemo ibitego bibiri byatumye anganya ibitego 109 na Ali Daei wigeze gukinira Iran hagati ya 1993 na 2006.

Igitego cya mbere yacyinjije ku munota wa 27 kuri penaliti yakorewe kuri Danilo Pereira mu gihe icya kabiri cyabonetse ku munota wa 58 ku mupira wakorewe mu rubuga rw’amahina na Jules Koundé.

Ronaldo yujuje ibitego 109 mu mikino 178 mu gihe Ali Daei yabigezeho mu mikino 149.

Umunya-Malaysia, Mokhtar Dahari (89), Umunya-Hongrie Ferenc Puskas (84), Umunya-Zambia Godfrey Chitalu (79), Umunya-Iraq Hussein Saeed (78) na Pelé w’Umunya-Brésil (77) bari mu bakinnyi 10 batsindiye ibihugu byabo ibitego byinshi.

Uretse kugera ku gahigo ka Ali Daei, ibitego Cristiano Ronaldo yatsinze uyu munsi byatumye ageza bitanu mu irushanwa ry’uyu mwaka mu gihe kandi yagize 14 mu mateka y’Igikombe cy’u Burayi kuva atangiye kugikina mu 2004.

Cristiano Ronaldo yatsinze ibitego bibiri kuri penaliti mu mukino Portugal yanganyijemo n'u Bufaransa 2-2
Ronaldo yageze ku gahigo ka Ali Daei watsinze ibitego 109 mu mikino mpuzamahanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .