00:00:00 IGIHE NETWORK KN KINYARWANDA EN ENGLISH FR FRANCAIS

Umuraperi J. Cole azakinira Patriots BBC muri BAL

Yanditswe na Bukuru JC
Kuya 10 Gicurasi 2021 saa 10:32
Yasuwe :
0 0

Umuraperi w’Umunyamerika Jermaine Lamarr Cole [J. Cole] azakinira Patriots BBC mu irushanwa rya Basketball Africa rizabera bwa mbere mu Rwanda hagati ya tariki ya 16 n’iya 30 Gicurasi 2021.

Umuhanzi J. Cole w’imyaka 36, yageze mu Rwanda mu mpera z’icyumweru gishize.

Mu kiganiro yagiranye na Televiziyo Rwanda kuri uyu wa Mbere, umutoza mushya wa Patriots BBC, Alan Major, yemeje ko J. Cole azakinira iyi kipe mu irushanwa rya BAL.

Umunyamakuru wa ESPN, Marc J. Spears, yavuze ko itangazwa ry’isinyishwa rya J. Cole muri Patriots BBC rizaba ku wa Kane, iminsi itatu mbere y’itangira rya BAL.

J. Cole yatangiye kumenyekana mu muziki mu 2007. Yamenyekanye cyane mu ndirimbo nka "Lights Please", "4 Your Eyez Only", "Lost Ones", "Crooked Smile" yafatanyije na TLC, "Before I’m Gone" n’izindi.

Ubusanzwe ni umuririmbyi, umwanditsi w’indirimbo akaba n’utunganya indirimbo. Abarirwa umutungo wa miliyoni 60 z’amadolari.

Mu mwaka wa 2018 ni bwo uyu mugabo w’abana babiri, yatangaje ko akunda umukino wa Basketball.

Bivugwa ko J. Cole azakinira Patriots BBC hagati y’imikino itatu n’itandatu uhereye k’uzahuza Patriots na Rivers Hoopers yo muri Nigeria ku Cyumweru.

J. Cole yakinnye Basketball mu mashuri yisumbuye ya Sanford yo muri Carolina mbere yo kujya muri St. John’s. Nyuma yaho yatangiye gukurikirana iby’umuziki we ntiyongera kugaragara mu mukino uwo ari wo wose wo mu cyiciro cya mbere.

Patriots BBC iri mu itsinda rya mbere na GNBC yo muri Madagascar, US Monastir yo muri Tunisia na Rivers Hoopers yo muri Nigeria, ni imwe mu makipe 12 azakina BAL igiye kuba bwa mbere.

J. Cole azakinira Patriots BBC muri BAL itegerejwe mu Rwanda muri uku kwezi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .