00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rwatsinzwe umukino wa gatatu wo kwitegura Afrobasket 2021

Yanditswe na Eric Tony Ukurikiyimfura
Kuya 13 Kanama 2021 saa 08:45
Yasuwe :
0 0

Ikipe y’Igihugu ya Basketball yatsinzwe umukino wa gatatu wikurikiranya mu rwego rwo kwitegura Igikombe cya Afurika ‘FIBA Afrobasket 2021’, aho yatsinzwe na Guinea amanota 91-83 ku wa Kane.

Ikipe y’Igihugu iri kubarizwa muri Sénégal kuva mu mpera z’icyumweru gishize, aho yagiye mu myitozo ifite gahunda yo gukina imikino itatu ya gicuti.

Mu mukino wa gatatu wabaye ku wa Kane, ntiyahiriwe imbere ya Guinea kuko yatsinzwe amanota 91-83.

U Rwanda rwari rwatsinzwe imikino ibiri yabanje rwahuyemo n’amakipe abiri atandukanye ya Sénégal ku manota 86-74 na 87-60.

Ikipe y’Igihugu izagaruka i Kigali ku wa Mbere, tariki ya 16 Kanama 2021, aho izakina indi mikino ibiri ya gicuti hamwe na Misiri ku wa 19 na 21 Kanama 2021 muri Kigali Arena.

Abakinnyi umutoza Dr Cheikh Sarr yajyanye i Dakar ni: Gasana Kenneth Wilson Herbert, Nkusi Arnaud, Hagumintwari Steven, Nshobozwabyosenumukiza Wilson, Ibeh Prince Chinenye, Ntore Habimana, Kaje Elie, Ntwari Marius Trésor, Kazeneza Emile Galois, Sagamba Sedar, Sangwe Armel, Mpoyo Axel Olenga, Shyaka Olivier, Mugabe Aristide, Williams Robeyns na Ndizeye Ndayisaba Dieudonné.

Muri Afrobasket 2021 izaba kuva tariki ya 24 Kanama kugeza ku ya 5 Nzeri 2021, u Rwanda ruzaba ruri mu itsinda A hamwe na Angola imaze gutwara ibikombe 11 bya Afurika, Repubulika Iharanira Demokarasi ya Congo na Cap-Vert.

Andi matsinda ya Afrobasket 2021:

Itsinda B: Tunisia, Centrafrique, Misiri na Guinée.

Itsinda C: Nigeria, Côte d’Ivoire, Kenya na Mali.

Itsinda D: Sénégal, Cameroun, Uganda na Sudani y’Epfo.

Kenneth Gasana ahanganye n'umukinnyi wa Guinea mu mukino wabaye ku wa Kane
Williams Robeyns ni umwe mu bakinnyi bashya bahamagawe mu Ikipe y'Igihugu izakina Afrobasket 2021
U Rwanda rukomeje kwitoreza muri Sénégal mu gihe hasigaye igihe gito ngo hatangire Afrobasketball 2021 izabera i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .