U Rwanda rwatangiye neza mu gikombe cya Afurika ruha isomo Guinea

Yanditswe na Manzi Rema Jules
Kuya 8 Nzeri 2017 saa 07:40
Yasuwe :
1 0

Ikipe y’igihugu y’u Rwanda yitabiriye imikino ya nyuma y’igikombe cya Afurika kirimo kubera muri Tunisia, yatangiye neza ku mukino wa mbere itsinda Guinea amanota 75 kuri 55.

Muri iri rushanwa ryitabiriwe n’ibihugu 12, u Rwanda ruri mu itsinda C hamwe na Guinea, Cameroun na Tunisia yaryakiriye.

Ku mukino wa mbere abasore bayobowe na Moise Mutokambali, bashoboye gutsinda Guinea ku manota 75-55. Ni umukino uteri woroshye kuko agace ka mbere karangiye Guinea iyoboye n’amanota 11 kuri 7 y’u Rwanda.

Mu ka kabiri nabwo abasore ba Guinea bayobowe na Mahamadou Kante watsinze amanota 22 wenyine, mu mukino wose, ntiboroheye u Rwanda kuko bakomeje kukayobora ariko hasigaye iminota mike ngo karangire rurayigaranzura karangira ruri imbere n’amanota 16-13.

U Rwanda rwakomeje kuzamukana n’umukino, cyane rubifashijwemo n’abasore nka Kami Kabange watsinze amanota 20 mu mukino wose, Ruhezamihigo witwaraga neza mu kugarira ndetse na Gasana keneth watanze imipira ine yavuyemo ibitego, rwatsinze agace ka gatatu ku manota 20-17 naho aka kane mu gihe aka nyuma rwagatsinze kuri 32-14.

Gutsinda uyu mukino byafashije u Rwanda kuba ruyoboye urutonde rw’itsinda by’agateganyo mbere yo gucakirana na Tunisia yakiriye kuri uyu wa Gatandatu mu gihe ruzasoza imikino yo mu itsinda ku Cyumweru rwisobanura na Cameroun.

Ntabwo bizaba byoroshye kuri aba basore kuko amateka agaragaza ko mu mukino ine u Rwanda ruheruka guhuramo na Tunisia rutarabasha gutsinda na rimwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza