Patriots BBC yasinyishije Nijimbere Guibert

Yanditswe na Eric Tony Ukurikiyimfura
Kuya 16 Ugushyingo 2019 saa 01:51
Yasuwe :
0 0

Ikipe ya Patriots BBC ifite igikombe cya Shampiyona y’u Rwanda ya Basketball iterwa inkunga na Banki ya Kigali PLC, yamaze gusinyisha Nijimbere Guibert wakiniraga IPRC Kigali BBC ku masezerano y’imyaka ibiri.

Patriots BBC ibinyujije ku rubuga rwa Twitter, yemeje ko yamaze gusinyisha uyu mukinnyi uri mu bigaragaje mu mwaka ushize w’imikino.

Nijimbere wakiniraga IPRC Kigali BBC yari asanzwe yitabazwa na Patriots BBC mu marushanwa atandukanye yajyaga yitabira bikaba ngombwa ko itira abakinnyi.

Muri uyu mwaka, yayikiniye mu irushanwa mpuzamahanga ryo kwibuka ku nshuro ya 25 Jenoside yakorewe Abatutsi mu 1994 (GMT 2019), bagerana ku mukino wa nyuma ndetse Nijimbere aba ari we utorwa nk’umukinnyi w’irushanwa.

Yayikiniye kandi mu ijonjora rya mbere ryo gushaka itike ya Basketball Africa League 2020, ryabereye muri Tanzania, Patriots BBC itsinda imikino ine yose yarikinnyemo.

Kuri ubu iyi kipe iri kwitegura ijonjora rya kabiri rizabera i Kigali hagati ya tariki ya tariki ya 17 na 22 Ukuboza 2019 muri Kigali Arena.

Mu itsinda H, Patriots ihagarariye u Rwanda muri iri rushanwa izaba ihanganye n’amakipe arimo City Oilers yo muri Uganda, Kenya Ports Authority yo muri Kenya, Ferroviario de Maputo yo muri Mozambique, GNBC yo muri Madagascar na UNZA Pacers yo muri Zambia, JKT yo muri Tanzania na Cobra yo muri Sudan y’Epfo.

Nijimbere Guibert azahanganira umwanya n’abarimo Kapiteni wa Patriots BBC, Mugabe Aristide na Sagamba Sedar.

Nijimbere umaze imyaka itatu mu Rwanda, avuye mu Burundi, aherutse gushyirwa mu ikipe y’umwaka wa Shampiyona ya Basketball mu Rwanda.

Nijimbere Guibert yakiniraga IPRC Kigali BBC
Nijimbere Guibert yabaye umukinnyi w'irushanwa ryo kwibuka muri Kamena
Nijimbere (wa kabiri uturutse iburyo) ari mu ikipe y'umwaka ya Shampiyona ya Basketball mu Rwanda
Patriots BBC yasinyishije uyu mukinnyi imyaka ibiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza