Ni umwe mu bagabo banditse amateka akomeye muri Basketball atuma benshi bakunda uyu mukino, kubera ubuhanga bwamuranze mu myaka yose yakinnye kugeza mu 2016 ubwo yahagarikaga. Yatwaye ibikombe bitanu bya NBA akinira LA Lakers.

Bryant yapfuye ahagana saa yine ku isaha zo mu gitondo muri Leta Zunze Ubumwe za Amerika. Yari mu ndege ye ya kajugujugu yakoreye impanuka muri Leta ya California mu gace ka Calabasas.

Iyo ndege yarimo abantu bane barimo n’umukobwa we w’imyaka 13 witwa Gianni Maria Onore, aho yaguye hacumbye umwotsi mwinshi, nta muntu n’umwe wigeze urokoka. Impamvu yateye iyi mpanuka ntabwo yigeze imenyekana, aho kuri ubu iperereza ryahise ritangira.

Mu bantu bapfuye ntabwo harimo umugore we witwa Vanessa kuko we atari muri iyo ndege. Bwa mbere bikimenyekana, byavugwaga ko nta mwana we wari uyirimo muri bane yari afite barimo n’uwaherukaga kuvuka muri Kamena umwaka ushize ariko byaje kwemezwa ko umukobwa we w’imyaka 13 bari kumwe, ko nawe yapfuye.

Bryant yakiniye Los Angeles Lakers imyaka 20, ni yo kipe yonyine yakiniye kuva yakwinjira muri NBA avuye mu mashuri. Yakinnye imikino 18 ya All-Star muri iyo myaka yose.

Yari umukinnyi wa kane mu mateka ya NBA watsinze amanota menshi kuko agahigo yari afite kamushyiraga ku mwanya wa gatatu karaye gakuweho na Lebron James.

Kobe Bryant yatsinze amanota 33643, amagambo ya nyuma yanditse kuri Twitter ye yashimiraga LeBron James wakuyeho agahigo ke, aho yagize ati “Komeza uteze imbere umukino. Ndakubaha cyane muvandimwe.”

Abantu batandukanye bavuze ku rupfu rwa Kobe Bryant barimo na Perezida wa Leta Zunze Ubumwe za Amerika, Donald Trump, wavuze ko “amakuru ni uko igihangange mu mukino wa basketball n’abandi batatu baguye mu mpanuka y’indege i California. Ni amakuru ababaje.”

Reports are that basketball great Kobe Bryant and three others have been killed in a helicopter crash in California. That is terrible news!

— Donald J. Trump (@realDonaldTrump) January 26, 2020

Ikipe ya PSG, AC Milan , Borussia Dortmund zanditse ubutumwa bwihanganisha umuryango we nyuma y’uru rupfu.

We have no words to express how shocked we are to hear of the tragic passing of one of the greatest sportsmen of all time and Rossonero fan, Kobe Bryant. All our thoughts are with the families of those affected by this tragic accident. You will forever be missed, Kobe 🙏❤️🖤 pic.twitter.com/FOd365chEL

— AC Milan (@acmilan) January 26, 2020

The club would like to express its deepest condolences to his family and friends, to the @Lakers and the @NBA family after the tragic passing of Kobe Bryant. RIP, legend. 🙏🏼 pic.twitter.com/vKMHmzvK5Z

— Paris Saint-Germain (@PSG_English) January 26, 2020

We are deeply saddened to learn of the death of Kobe Bryant. Our thoughts and prayers go out to all his family and friends.

Forever a legend. pic.twitter.com/2lm4GFyJEB

— Borussia Dortmund (@BlackYellow) January 26, 2020

Abakinnyi batandukanye n’ibindi byamamare bagaragaje akababaro batewe n’urupfu rwa Kobe

Please don’t let this be True. I’m shaking 💔

— Khloé (@khloekardashian) January 26, 2020

RIP KOBE 😥😥😥 I can’t believe this is true. I’m at a loss for words 😥

— Tristan Thompson (@RealTristan13) January 26, 2020

Please no. Please god no. It can’t be true.

— Kevin Love (@kevinlove) January 26, 2020

Aho impanuka yabereye, Polisi yahise ihagera n'ibikoresho bizimya inkongi

Bivugwa ko ikirere kibi cyaba cyagize uruhare muri iyi mpanuka

Kobe Bryant yitabye Imana yitabye Imana ku myaka 41 y'amavuko

Ni umwe mu bantu batumye benshi bakunda umukino wa Basketball, abanyarwanda bakazajya bahara ibitotsi bashaka kureba imikino ye

Yatwaye ibikombe bitanu bya NBA mu myaka 20 yakiniye LA Lakers

Umugore we witwa Vanessa ntiyari mu bari muri iyi ndege

Nimero yambaraga zimanitse muri Staples Center mu rwego rwo kumushimira ku myaka 20 yakiniye LA Lakers