00:00:00 IGIHE NETWORK KN KINYARWANDA EN ENGLISH FR FRANCAIS

Joe Biden yakiriye Milwaukee Bucks iheruka kwegukana Shampiyona ya NBA

Yanditswe na Eric Tony Ukurikiyimfura
Kuya 9 Ugushyingo 2021 saa 10:00
Yasuwe :
0 0

Perezida wa Leta Zunze Ubumwe za Amerika, Joe Biden, yakiriye ikipe ya Milwaukee Bucks iheruka kwegukana igikombe cya Shampiyona ya NBA mu gikorwa cyabereye muri White House ku wa Mbere ku gicamunsi.

Milwaukee Bucks yatwaye igikombe cya NBA cy’umwaka w’imikino wa 2020/21, yabaye ikipe ya mbere yatwaye iyi Shampiyona yakiriwe muri White House kuva mu 2016.

Mu ijambo rye, Perezida Biden yagize ati “Nishimiye guha ikaze Milwaukee Bucks kugira ngo dukomeze umuco wacu muri siporo na demokarasi. Ubumwe ni cyo kintu cy’ingenzi gikenewe. Ni ko tugomba kuba nk’igihugu.”

Biden yashimiye kandi iyi kipe uburyo yashishikarije abafana bayo guha icyubahiro Jacob Blake warashwe n’umupolisi, ikanga gukina umukino wa play-off mu 2020.

Ati “Mu mwaka ushize, nk’ikipe, mwaharaniye ubutabera n’amhoro nyuma y’iraswa rya Jacob Blake muri Kenosha, Wisconsin. Mwatumye n’abandi bantu babiharanira.”

Yakomeje agira ati “Byagize akamaro. Ndibuka mvuga n’umutoza wanyu. Mwatumye abantu batora, mwashishikarije abafana kwikingiza. Ndashaka kubashimira.”

Igikombe cya NBA cyegukanywe na Bucks ni icya mbere yatwaye kuuva mu 1971.

Iyi kipe yabaye iya mbere yatwaye NBA yakiriwe muri White House kuva bikozwe na Cleveland Cavaliers mu Ugushyingo 2016.

Mu 2017 na 2018, Golden State Warriors yanze kwitabira ubutumire bwa Donald Trump kimwe na Toronto Raptors yatwaye igikombe mu 2019 mu gihe mu 2020 hari hatahiwe Los Angeles Lakers, ariko hakaba hari icyorezo cya COVID-19.

Mbere y’uko umuhango nyir’izina utangira, itsinda ry’abakinnyi ba Wilwaukee Bucks ryatambagijwe muri White House rifata amafoto y’urwibutso.

Perezida Joe Biden yahawe umwambaro wa Bucks na nyirayo, Marc Lasry
Giannis Antetokounmpo avuga mu izina rya bagenzi be bakinana muri Bucks
Milwaukee Bucks yabaye ikipe ya mbere yakiriwe muri White House kuva mu 2016

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .