00:00:00 IGIHE NETWORK KN KINYARWANDA EN ENGLISH FR FRANCAIS

Shampiyona ya Basketball yasubitswe

Yanditswe na Habimana Sadi
Kuya 1 Nyakanga 2021 saa 09:57
Yasuwe :
0 0

Kubera ubwiyongere bw’icyorezo cya Covid-19, Ishyirahamwe ry’Umukino wa Basketball mu Rwanda (FERWABA) ryahisemo gusubika shampiyona.

Mu gihe mu Rwanda hakomeje kugaragara ubwiyongere bw’icyorezo cya Covid-19, ninako inzego zitandukanye zifata ingamba zikomeye zo kurwanya iki cyorezo gikomeje kujyana ubuzima bw’abatari bake.

No mu gice cy’imikino hakomeje gufatwa ingamba zikomeye, mu rwego rwo kubungabunga ubuzima bw’ababarizwa mu gice cy’imikino itandukanye.

Biciye mu Itangazo ryagenewe abanyamakuru, Ishyirahamwe ry’Umukino wa Basketball mu Rwanda ‘FERWABA’, ryatangaje ko shampiyona yabaye isubitswe kubera ubwiyongere bwa Covid-19.

Rigira riti “FERWABA yishimiye gutangaza isubikwa rya shampiyona, kugeza igihe hazatangazwa na Guverinoma y’u Rwanda izindi ngamba zo kurwanya Covid-19 zikurikira izo ku wa 29 Kamena 2021.”

Ubuyobozi bw’iri shyirahamwe buvuga kandi ko bwafashe iki cyemezo mu rwego rwo kubungabunga ubuzima bw’abakinnyi n’abandi bose bafite aho bahuriye n’amakipe.

Umuyobozi Nshingwabikorwa wa FERWABA, Landry Jabo asobanura impamvu yo gufata iki cyemezo, yagize ati "Twafashe iki cyemezo ku bw’ubuzima bw’abantu mbere na mbere. Ni mu nyungu za buri wese kuzana shampiyona hagendewe ku mabwiriza ya Guverinoma.”

Iri tangazo riza ryiyongera ku butumwa bwaciye kuri Email FERWABA yoherereje abayobozi b’amakipe yose, bubabwira impamvu yashingiweho hafatwa icyemezo cyo guhagarika shampiyona n’inzira bizacamo ngo yongere isubukurwe.

Shampiyona y’icyiciro cya mbere muri Basketball yari yatangiye ku wa 19 Kamena 2021. Tariki ya 28 Kamena 2021 nibwo hari bukinwe imikino y’umunsi wa cumi w’iyi shampiyona.

Ally Kazingufu wari kapiteni wa REG BBC, ubu ni umukinnyi wa APR BBC
Shampiyona yabaye isubitswe kubera ubwiyongere bw'icyorezo cya Covid-19
REG BBC nta mukino iratakaza kuva shampiyona yatangira
Patriots BBC nayo nta mukino iratsindwa kuva shampiyona yatangira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .