Kwamamaza

Basketball: U Rwanda rwatsinze Tanzania, Kenya yihaniza Uganda

Yanditswe kuya 10-08-2016 saa 21:55' na Manzi Rema Jules


Mu mikino ihuza inzego za gisirikare mu karere k’u Burasirazuba bw’Afurika ikomeje kubera mu Rwanda, ikipe y’umukino wa basketball ihagarariye ingabo z’u Rwanda yatsinze Tanzania ku manota 78-64 mu mukino wa mbere na ho Kenya itsinda Uganda ku manota 69- 51.

Ikipe y’u Rwanda yari yiganjemo abasore basanzwe bamenyerewe muri shampiyona nka Kazingufu Ali, Mugabe Arstide, Kaje Elia, Shyaka Olivier, Ishimwe Parfait n’abandi, yabashije gutsinda umukino ufungura muri baskeball itangira itanga icyizere cyo kwisubiza iki gikombe yari yegukanye umwaka ushize.

Mu gace ka mbere, u Rwanda rwarangije rufite amanota 11- 8, mu ka kabiri amakipe yombi anganya amanota 25 -25, aka gatatu Tanzania igatsinda ku manota 21-20 na ho mu ka kane u Rwanda rugatsinda ku manota 22 – 10 ya Tanzania.

Muri uyu mukino, umusore w’u Rwanda Shyaka Olivier ni we wabashije kwinjiza amanota menshi aho yatsinze 28 wenyine.

Mu wundi mikino wari wabanje, ikipe ihagarariye Kenya yatsinze Uganda ku manota 69-51.

Abakunzi b’uyu mukino wa basketball bazongera kureba indi ku wa Gatanu tariki 12 Kanama saa kumi n’imwe n’igice u Rwanda ruhanganye na Uganda ndetse na bukeye bwaho kuri iyo saha Tanzania ikina na Kenya.

Abakinnyi bageze mu ibuga basuhuza abafana
Ikipe ya Basketball ihagarariye Tanzania mu mikino ya gisirikare

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved