APR WBBC yegukanye umwanya wa gatatu muri Zone V

Yanditswe na Eric Tony Ukurikiyimfura
Kuya 27 Ukwakira 2019 saa 12:56
Yasuwe :
0 0

Ikipe y’abagore ya APR WBBC yari ihagarariye u Rwanda mu irushanwa rya Baskeball ry’akarere ka gatanu (Zone) ryaberaga i Dar es Salaam muri Tanzania, yatahanye umwanya wa gatatu itsinze Equity yo muri Kenya amanota 68-53.

Iri rushanwa ryahuje amakipe atandatu aturutse mu Rwanda, Tanzania, Kenya na Uganda ryabaye hagati ya tariki ya 21 na 26 Ukwakira 2019.

APR WBBC yari ihagarariye u Rwanda nk’ikipe yatwaye Shampiyona ya Basketball mu bagore, yasoje iri ku mwanya wa gatatu itsinze Equity yo muri Kenya amanota 68-53 mu mukino wabaye kuri uyu wa Gatandatu.

Urwibutso Nicole wakiniraga APR WBBC muri iri rushanwa, yatsinze amanota 27, asama imipira icyenda iva ku nkangara muri uyu mukino wabaye ejo hashize.

APR WBBC yabaye iya kane ubwo yaherukaga kwitabira iri rushanwa, yabuze amahirwe yo gukina umukino wa nyuma ubwo yatsindwaga amanota 62-46 na KPA yo muri Kenya muri ½.

KJL Dolphins yo muri Uganda ni yo yegukanye igikombe itsinze Kenya Ports Authority ‘KPA’ ku mukino wa nyuma amanota 63-56, ibona itike yo gukina FIBA Africa Women’s Champions Cup.

JKT yo muri Tanzania yabaye iya gatanu itsinze Don Bosco na yo yo muri Kenya.

Abakinnyi APR WBBC yakoresheje muri iri rushanwa ni: Umugwaneza Charlotte (kapiteni), Kantore Sandra, Nzaramba Cécile, Akimana Ange, Umuhoza Jordan Odethe, Tuyisenge Emerence, Imanizabayo Marie Laurence, Mugisha Benigne, Uwizeye Assouma, Urwibutso Nicole na Micomyiza Rosine.

APR WBBC yakuye umwanya wa gatatu mu irushanwa rya Zone V ryaberaga muri Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza