00:00:00 IGIHE NETWORK KN KINYARWANDA EN ENGLISH FR FRANCAIS

Hatangijwe ‘Waka Pay’, uburyo bw’ikoranabuhanga bufasha abakora siporo kwishyura serivisi za ‘gym’

Yanditswe na Eric Tony Ukurikiyimfura
Kuya 8 Ugushyingo 2021 saa 02:52
Yasuwe :
0 0

Inzu y’imyitozo ngororamubiri (Gym) iri mu zigezweho mu Mujyi wa Kigali, WAKA Fitness, yatangaje uburyo buzafasha abayigana bose kwishyura ifatabuguzi ry’umwaka mu byiciro, bwiswe “WAKA Pay”, aho umuntu yishyura ibihumbi 25 Frw yifashishije ikarita ye ya banki buri kwezi.

Ubu buryo bushya bwatangijwe tariki ya 22 Ukwakira 2021, bugamije korohereza abagana WAKA Fitness kurushaho koroherwa no kubona serivisi ibaha.

Mu rwego rwo korohereza abayigana, WAKA yatangije ubu buryo ku rubuga rwayo rwa www.wakaglobal.com, bakishyura ifatabuguzi ryo kujya muri gym.

Ubu buryo bufasha mu kwishyura hifashishijwe ikarita ya banki bitewe n’amahitamo y’ubukoresha.

Abakoresha WAKA Pay bwa mbere n’ubundi babanza kwishyura ibihumbi 30 Frw [yishyurwa inshuro imwe] yo kuba umunyamuryango wa WAKA ndetse bakajya bishyura ibihumbi 25 Frw buri kwezi [mu gihe cy’umwaka].

Abishyura bazajya basinya amasezerano mashya yemeza ko bazishyura ifatabuguzi ry’amezi 12 yose.

Abanyamuryango bishyura bakoresheje WAKA Pay bazahabwa uburenganzira kuri serivisi zose zigenerwa umunyamuryango wihariye wa WAKA, zirimo gukoresha ibikoresho yihitiyemo, kwitabira amasomo n’izindi gahunda zayo.

Kwishyurwa bizajya bikorerwa kuri https://payment.wakaglobal.com/choose-location.

Umuyobozi Mukuru wa WAKA, Jeannetta Craigwell-Graham, yagize ati “Twagiye twumva ko tutakoraga bihagije kugira ngo tugeze ubuzima bwiza ku bantu benshi bashoboka. Ubu hamwe na WAKA Pay, birashoboka. ”

Gwaneza Wivine ushinzwe Imenyekanishabikorwa muri WAKA Fitness, yavuze ko ubu buryo bwashyizweho kubera ko hari abagaragaje imbogamizi mu kwishyurira rimwe.

Ati "Ni uburyo twakoze tubuhuza n’ikarita ya banki y’umukiliya kugira ngo aho kugira ngo umuntu yishyurire rimwe ifatabuguzi ry’umwaka, ajye yishyura mu byiciro buri kwezi ibihumbi 25 Frw."

Yakomeje agira ati "Umuntu abanza kwiyandikisha, agahita abona uburyo bwo guhitamo aho ashaka gukorera haba mu ishami ryacu ryo mu Mujyi cyangwa irya Kimihurura, noneho agashyiraho ya karita ye, buri kwezi akaba yabasha guhita yishyura niba afite amafaranga kuri konti, atagombereye kwishyura icya rimwe."

WAKA yatangiye ikorera ku Kimihurura [kuri Papyrus] mu 2014, yaguye serivisi zayo, itangirira gukora mu nyubako izwi nko kwa Makuza mu Mujyi rwagati guhera mu 2018.

Buri nzu yayo igira ibikoresho byuzuye birimo ibya imashini zo kwirukiraho no guterura, amasomo y’imyitozo mu itsinda, koroherezwa guhura n’abatoza bihariye ndetse n’urwambariro rugezweho kandi rwujuje byose.

WAKA Fitness yiyemeje gufasha Abanyarwanda kurushaho kugira ubuzima bwiza bakora imyitozo ngororamubiri
Abanyamuryango ba WAKA Fitness bashyiriweho uburyo bubafasha kwishyura ifatabuguzi ry'umwaka
WAKA Fitness igira ibikoresho bitandukanye mu mashami yayo yombi
Muri WAKA hari imashini zitandukanye zirimo n'izo kwirukiraho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .