Kwamamaza

U Rwanda ruhagaze bwuma mu mikino ihuza ingabo zo muri EAC

Yanditswe kuya 7-08-2016 saa 08:17' na Philbert Hagengimana


Umugaba Mukuru w’Ingabo z’u Rwanda, Gen.Patrick Nyamvumba yatangaje ko u Rwanda ruhagaze bwuma kandi rwiteguye gutsinda mu mikino ihuza ingabo zo muri Afurika y’Iburasirazuba, cyane ko imitegurire yaryo inatanga icyizere.

Ibi yabitangaje mu kiganiro n’Abanyamakuru cyabanjirije amarushanwa mpuzamahanga mu mikino itandukanye, ahuza ingabo z’ibihugu bigize Akarere ka Afurika y’Iburasirazuba igomba gutangira kuri uyu wa Mbere tariki ya 8 Kanama i Kigali, akazasozwa kuwa 17 Kanama 2016.

Abajijwe ku myiteguro y’u Rwanda muri iryo rushanwa, Gen. Nyamvumba yatangaje ko ari nta makemwa, gusa ngo mu makipe azaseruka ho ntiyakwirengagiza ko n’abandi baje mu irushanwa, bityo intsinzi ikomeye yitezwe ni ukugera ku ntego y’irushanwa.

Yagize ati “Turiteguye…Twiteguye gutsinda, ariko ntitwakwirengagiza ko na bagenzi bacu bo mu bindi bihugu baje mu kurushanwa, wenda na bo wasanga bariteguye neza cyane. Gusa igikuru ni uko tutazatsindwa mu kibuga cyo kwishyira hamwe (Integration) nka EAC.”

Nk’uko yakomeje abisobanura, imikino ihuza ingabo z’ibihugu bya EAC igamije kunga ubumwe bw’abatuye aka karere binyuze mu mikino.

Aya marushanwa aritabirwa n’ibihugu bine muri bitandatu bigize EAC, bikazarushanwa mu mikino itanu, ari yo: Umupira w’amaguru (Football), Basketball, Handball, Netball no gusiganwa ku maguru (Cross Country).

Ibihugu byitabiriye iyi mikino ni Uganda, Tanzania, Kenya n’u Rwanda, mu gihe u Burundi na Sudani y’Epfo bo batazitabira.

Uretse kuba Sudani y’Epfo itaratangira kwitabira iyi mikino, dore ko itanamaze igihe yemerewe kwinjira muri EAC, u Burundi bwo ngo bwaratunguwe, bituma buhita bwikura mu irushanwa nyuma y’aho ibindi bihugu byanze guhindura gahunda y’imikino ngo na bwo bubashe kwitegura nk’uko bwari bwanabyandikiye ubuyobozi bw’uwo muryango bubisaba.

Iyo mikino ifite insanganyamatsiko igira iti “One People One Destiny through 10th EAC Military Games and Cultural Event”, tugenekereje mu Kinyarwanda “Tube umwe mu cyerekezo kimwe binyuze mu mikino ihuza ingabo ndetse n’ibindi bikorwa by’umuco”.

Uko umunsi wa mbere uteganyijwe muri buri mukino

Football:

Kuwa Mbere tariki ya 8 Kanama: Rwanda vs Kenya

Gusiganwa ku maguru (Cross Country)

Kuwa Kabiri tariki ya 9 Kanama 2016 bazasiganwa ibirometero 10 mu bagore kimwe no mu bagabo.

Basketball

Kuwa Gatatu tariki ya 10 Kanama

Uganda vs Kenya (saa cyenda n’igice muri Petit Stade Amahoro)

Rwanda vs Tanzania (saa kumi n’imwe n’igice kuri Petit Stade Amahoro)

Netball

Kuwa Gatatu tariki ya 10 Kanama:

Tanzania vs Uganda (saa munani kuri Stade Amahoro)

Rwanda vs Kenya (saa kumi kuri Stade Amahoro)

Handball

Kuwa Gatatu tariki 10 Kanama:

Uganda vs Kenya (saa mbili kuri Stade Amahoro)

Rwanda vs Tanzania (saa ine n’igice kuri Stade Amahoro)


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 September 2016
Copyright © 2009 -2014 - IGIHE Ltd - All Rights Reserved