00:00:00 IGIHE NETWORK KN KINYARWANDA EN ENGLISH FR FRANCAIS

Rayon Sports yasinye amasezerano y’imikoranire na Canal+

Yanditswe na Nsengiyumva Emmy
Kuya 11 Ugushyingo 2021 saa 01:41
Yasuwe :
0 0

Rayon Sports yasinye amasezerano y’imikoranire na Canal+, aho iyi kipe izamamaza iki kigo gicuruza amashusho naho cyo kikayifasha mu bikorwa bitandukanye.

Ni amasezerano yashyizweho umukono kuri uyu wa Kane, tariki 11 Ugushyingo 2021 ku cyicaro cya Canal+, ashyirwaho umukono n’Umuyobozi wa Rayon Sports, Uwayezu Jean Fidèle na Sophie Tchatchoua uyobora Canal+ Rwanda.

Sophie yavuze ko nka Canal+ Rwanda bishimiye kugirana amasezerano na Rayon Sports, kuko ari ikipe ifite abakunzi benshi.

Yagize ati “Rayon Sports turabizi ni ikipe ifite abakunzi benshi, twizeye ko gukorana nayo biri mu bizatuma Canal+ n’ibikorwa byacu birushaho kumenyekana.”

Umuyobozi wa Rayon Sports, Uwayezu Jean Fidèle, we yavuze ko Canal+ ari umwe mu bafatanyibikorwa biyongereye ku bo bari basanganywe.

Yakomeje ati “Canal+ ni sosiyete ikomeye ku Isi, n intambwe ikipe yacu yishimiye. Nubwo amasezerano ari ay’umwaka umwe, ariko ni intango nziza kandi twizeye ko azakomeza impande zombie zikayishimira.”

Yijeje abakunzi ba Rayon Sports ko komite ayoboye itazarekera gushaka abafatanyabikorwa banyuranye mu rwego rwo kwiyubakira ubushobozi.

Uwayezu yasabye abakunzi ba Rayon Sports kugana Canal+. Ati “Nimuzitabira, mukagura serivisi za Canal+ natwe tuzabona byinshi. Ni inshuti zacu.”

Amasezerano yashyizweho umukono hagati ya Rayon Sports na Canal + azamara umwaka. Nubwo atatangajwe agaciro kayo mu buryo bw’amafaranga, iyi kipe izajya yamamaza ibikorwa by’iki kigo nacyo kiyigenere amafaranga yumvikanyweho ndetse n’ibikoresho.

Bimwe mu byo Canal+ yemereye Rayon Sports, harimo ifatabuguzi ku bakozi bose ba Rayon Sports n’ibindi binyuranye.

Mu masezerano y’impande zombi, biteganyijwe ko Rayon Sports izajya yambara Canal + ku makabutura yayo mu buryo bwo kuyamamaza.

Umuyobozi wa Rayon Sports, Uwayezu Jean Fidèle na Sophie Tchatchoua uyobora Canal+ Rwanda mu kiganiro n'itangazamakuru cyatangarijwemo amasezerano mashya
Umuyobozi wa Rayon Sports, Uwayezu Jean Fidèle na Sophie Tchatchoua uyobora Canal+ Rwanda bashyira umukono ku masezerano mashya
Umuyobozi wa Rayon Sports, Uwayezu Jean Fidèle na Sophie Tchatchoua wa Canal+ Rwanda bishimiye amasezerano yashyizweho umukono
Canal+ yabaye umufatanyabikorwa mushya wa Rayon Sports
Willy Onana ukinira Rayon Sports yitabiriye uyu muhango mu ikabutura iriho ikirango cya Canal+
Myugariro wa Rayon Sports, Habimana Hussein, yitabiriye uyu muhango na we yambaye umwambaro uriho ikirango cya Canal+

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .