00:00:00 IGIHE NETWORK KN KINYARWANDA EN ENGLISH FR FRANCAIS

McGregor ayoboye urutonde rw’abakinnyi binjije amafaranga menshi ku Isi

Yanditswe na Bukuru JC
Kuya 14 Gicurasi 2021 saa 09:33
Yasuwe :
0 0

Umukinnyi w’imikino njyarugamba, Conor McGregor, ni we uyoboye urutonde rw’abakinnyi binjije amafaranga menshi mu mezi 12 ashize, rukorwa buri mwaka n’ikinyamakuru Forbes, aho yinjije miliyoni 128£.

Conor McGregor ukomoka muri Irlande, yakoreye miliyoni 15,6£ mu murwano yahuyemo na Dustin Poirier, andi mafaranga ava mu kugurisha inzoga ya whiskey yamwitiriwe ndetse no mu bafatanyabikorwa yamamariza.

Abakinnyi b’umupira w’amaguru; Lionel Messi (£92,4m) na Cristiano Ronaldo (£85.3m) ni bo bari mu myanya ibiri ikurikiraho kuri uru rutonde rwashyizwe ahagaragara muri iki cyumweru.

Ku mwanya wa kane hari Dak Prescott (£76,4m) wo muri shampiyona ya NFL mu gihe LeBron James wo muri NBA, ari ku mwanya wa gatanu na miliyoni 68,6£.

Lewis Hamilton wegukanye Formula 1 mu 2020, ari ku mwanya wa munani na miliyoni 58,3£ ndetse ni we mukinnyi ukomoka mu Bwongereza uri mu 10 ba mbere binjije menshi mu mezi 12 ashize.

Roger Federer wari uyoboye uru rutonde mu mwaka ushize, yaje ku mwanya wa karindwi na miliyoni 64£ naho Tom Brady uheruka gutwara Super Bowl, Kevin Durant ukina Basketball na Neymar ukinira Paris Saint-Germain baza mu yindi myanya ikurikiraho.

Forbes yatangaje ko McGregor waherukaga kujya mu bakinnyi 10 ba mbere binjije menshi mu 2018 ubwo yari amaze kurwana na Floyd Mayweather, yabaye umukinnyi wa gatatu ukoreye amafaranga ari hejuru ya miliyoni 70$ (miliyoni 49,8£) hanze y’ikibuga nyuma ya Roger Federer na Tiger Woods.

Nubwo icyorezo cya COVID-19 cyakomye mu nkokora ibikorwa byinshi by’imikino, ntibyabujije ko amafaranga yinjijwe n’abakinnyi 10 ba mbere yiyongereyeho 28% ugereranyije n’ay’abari mu 10 ba mbere mu mwaka ushize.

Urutonde rurambuye rw’abakinnyi 10 ba mbere binjije menshi mu 2020

  1. Conor McGregor: $180m
  2. Lionel Messi: $130m
  3. Cristiano Ronaldo: $120m
  4. Dak Prescott: $107,5m
  5. LeBron James: $96,5m
  6. Neymar: $95m
  7. Roger Federer: $90m
  8. Lewis Hamilton: $82m
  9. Tom Brady: $76m
  10. Kevin Durant: $75m
Conor McGregor ayoboye urutonde rw'abakinnyi binjije amafaranga menshi kurusha abandi ku Isi mu mezi 12 ashize
Lionel Messi wayoboye uru rutonde mu 2019, ari ku mwanya wa kabiri
Cristiano Ronaldo ni uwa gatatu winjije amafaranga menshi mu mezi 12 ashize
LeBron James ukinira LA Lakers ari ku mwanya wa gatanu
Roger Federer wayoboye uru rutonde mu 2020, ari ku mwanya wa karindwi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .