Mayweather yahigitse Messi na Ronaldo mu bakinnyi binjije akayabo mu 2017

Yanditswe na Manzi Rema Jules
Kuya 6 Kamena 2018 saa 07:41
Yasuwe :
0 0

Umunyamerika Floyd Mayweather wahoze akina iteramakofe, niwe muntu mu mikino yose winjije akajyabo kuva muri Kamena 2017 kugera muri Kamena 2018, ahigitse ibihangange muri ruhago, Lionel Messi na Christiano Ronaldo bamukurikira.

Ku rutonde rukorwa na Forbes rugaragaza uko abakinnyi binjiza amafaranga, Mayweather wasezeye bwa nyuma ku iteramakofe muri Kanama 2017, yaje ari uwa mbere akaba yarinjije miliyoni 244,2 z’amayero kuva muri Kamena 2017 kugera muri Kamena 2018.

Yinjije aka kayabo ahanini kubera abaterankunga no kwamamaza ndetse na miliyoni zisaga icyenda z’amayero yakuye mu murwano we wa nyuma na McGregor.

Akurikiwe na rutahizamu Lionel Messi wa FC Barcelona na Argentine winjije miliyoni 82,9 z’amayero, agakurikirwa na mukeba w’ibihe byose, Cristiano Ronaldo winjije miliyoni 80.7 €, Conor McGregor nawe wasaruye akayabo mu murwano wamuhuje na Mayweather, akaba yaje ku mwanya wa kane na miliyoni 73,9 €.

Umukinnyi wa mbere wahenze mu mateka ya ruhago, Neymar ukinira PSG mu Bufaransa yabaye uwa gatanu na miliyoni 67,2 € mu gihe umukinnyi wa mbere wa basketball ari LeBron James ukinira Cleveland muri Leta Zunze Ubumwe za Amerika winjije miliyoni 63,9 €.

Mu bandi bazwi Stephen Curry wa Golden State ari ku mwanya wa munani na miliyoni 57.5 €, akurikiwe na Matt Ryan ukina ruhago yo muri Amerika winjije miliyoni 50,3 € naho mu bakina umupira w’amaguru bandi baje mu 100 binjije agatubutse harimo Paul Pogba wa Manchester United wa 52, Wayne Rooney wa Everton waje ku wa 58 ndetse na Sergio Aguero wa Manchester City wa 86.

Mayweather ku isonga mu bakinnyi binjije akayabo mu 2017
Umunyamerika Floyd Mayweather
Messi na Ronaldo bakurikiye Mayweather kwinjiza akayabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza