Kwamamaza

Ivan Minnaert agarutse mu Rwanda amaso ayahanze APR FC

Yanditswe kuya 20-09-2016 saa 08:37' na Manzi Rema Jules


Ivan Jacky Minnaert wigeze gutoza Rayon Sports akayivamo akunzwe bikomeye n’abafana ariko amikoro adahagije n’ubunyangamugayo bw’abayobozi yakemangaga bigatuma asezera akajya gutoza muri Kenya, agiye kugaruka mu Rwanda ndetse ibiganiro byo kuba yajya gufatanya na Yves Rwasamanzi gutoza APR FC bigeze kure.

Uyu Mubiligi watoje Rayon Sports amezi atatu gusa akayivamo tariki 24 Gashyantare nyuma yo kuyifasha intsinzi y’imikino umunani muri 12 yayitoje anganya ine atsindwa rimwe.

Mu ikipe yagiye gutoza, AFC Leopards ntiyahagiriye ibihe byiza nubwo yari yatangiye atsinda ariko byaje guhinduka atangira gutsindwa bya hato na hato byaje no gutuma tariki ya Mbere Nzeri atandukana nayo ayisize ku mwanya wa 10 n’amanota 29. Mu mikino 23, yatsinze umunani anganya umunani itsindwa irindwi.

Mu kiganiro yagiranye na IGIHE, Ivan yatangaje ko arimo kwitegura kugaruka mu Rwanda ndetse yifuza kongera gukorera muri iki gihugu avuga ko yagiriyemo ibihe byiza kandi abona n’umupira waho ufite icyerekezo gusa yirinze kugira icyo atangaza ku bijyanye no kuba yazatoza APR FC.

Ati “Hari ibyo nkirimo kuvugana na AFC Leopards kugira ngo dutandukane neza. Nibirangira nzahita nza mu Rwanda, birashoboka ko ariho nakomereza akazi kandi nanjye byanshimisha kuko ni igihugu nagiriyemo ibihe byiza kandi n’umupira uhari uratera imbere. Ibiganiro byabayeho n’ikipe nshobora kujyamo ariko sinavuga ngo byararangiye. Nitumara kumvikana muzabimenya.”

Gusa uyu mutoza yongeyeho ko ikipe arimo kuganira nayo ari imwe mu zifite abafana benshi ati “ Sinjya ntoza ikipe itagira abafana. Ningaruka no mu Rwanda nzaza muri imwe mu makipe afite benshi kuko ndabakunda, banyongerera imbaraga kandi iyo bishimye nta kiguzi wabinganya. Nkunda abafana cyane.”

Nubwo umutoza w’agateganyo wa APR FC, Yves Rwasamanzi wayisigaranye nyuma y’aho Umutoza Mukuru Kanyankore Gilbert yirukanywe, yayihesheje igikombe cya AS Kigali Pre Season Tournament atsinze AS Vita Club ku mukino wa nyuma, biravugwa ko ataragirirwa icyizere ku buryo yanayitoza muri shampiyona akaba ariyo mpamvu bashobora kuzana umuzungu bafatanya.

Yvan Minnaert asinya amasezerano muri Rayon Sports ubwo yari akigera mu Rwanda
Masoudi Djuma yigiye byinshi kuri uyu mutoza byatumye afasha Rayon Sports kwegukana igikombe cy'Amahoro no gukomeza kwitwara neza
Ivan ntabwo yahiriwe muri AFC Leopadrs kuko mu myaka ibiri yari yasinye yatoje amezi atandatu gusa

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved