Kwamamaza

Champions League:Barcelona yatanze isomo rya ruhago, Bayern Munich ishyiraho agahigo

Yanditswe kuya 14-09-2016 saa 09:41' na Manzi Rema Jules


Irushanwa rihuza amakipe yabaye aya mbere iwayo ku mugabane w’u Burayi, UEFA Champions League ryatangiye kuri uyu wa Kabiri ikipe ya FC Barcelona inyagira Celtic ibitego birindwi ku busa, Arsenal bigoranye ikura inota rimwe mu Bufaransa, naho Bayern Munich inyagira FC Rostov bitanu ku busa iba ikipe ya mbere mu mateka itsinze imikino 13 yikurikiranya mu rugo muri iri rushanwa.

Ku munsi ufungura iri rushanwa rihuza amakipe y’ibihangange rigakurikirwa na miliyoni z’abafana ku Isi, byari biteganyijwe ko hakinwa imikino umunani kuva mu itsinda A kugera kuri D ariko kubera imvura idasanzwe yaguye mu Bwongereza byatumye umukino wa Manchester City yari kwakira Borussia Monchengladbach usubikwa ukaza kuba kuri uyu wa Gatatu.

Mu gihe Etihad hagwaga imvura y’amahindu, ku kibuga Nou Camp muri Espagne hagwaga imvura y’ibitego FC Barcelona iha isomo rya ruhago Celtic iyitsinda ibitego 7-0 harimo bitatu bya Lionel Messi, bibiri bya Louis Suarrez, kimwe cya Neymar n’ikinda cya Andres Iniesta.

Neymar, Messi na Suarez batsinze bitandatu muri birindwi ikipe yabo yabonye

Mu Budage, Bayern Munich n’umutoza wayo mushya Carlo Ancelotti nabo banyagiraga FC Rostov ibitego bitanu ku busa ari nako iyi kipe ishyiraho agahigo katarakorwa n’indi yose muri iri rushanwa ko gutsinda imikino 13 mu rugo yikurikiranya ikaba ikurikiwe na Manchester United na FC Barcelona zatsinze 12.

Ku rundi ruhande mu Bufaransa ku kibuga Parc des Princes, ikipe ya Arsenal yari yasuye Paris Saint Germain zinganya igitego 1-1 harimo igitego cya Edinson Cavani cyabonetse hatarashira n’umunota umwe umukino utangiye n’ubwo uyu rutahizamu yagarutse cyane mu bitangazamakuru bimunenga uburyo yahushije ibitego byinshi byari byabazwe byakabaye bahesheje ikipe ye amanota atatu.
Arsenal yaje kubona igitego cyo kwishyura nyuma yo kugihiga bikomeye, Alexis Sanchez biza kurangira ariwe uhesheje Arsene Wenger inota rimwe.

Kuri uyu wa Gatatu harakina amakipe ari mu matsinda ane ya nyuma umukino ukomeye cyane ukaba uza buhuze Real Madrid ya rutahizamu Cristiano Ronaldo na Sporting Clube de Portugal yamuzamuye mbere yo kuba igihangange ku Isi.

Imikino yose yabaye kuri uyu wa Kabiri

Basel 1 - 1 Ludogorets Razgrad

Paris Saint Germain 1 - 1 Arsenal

Benfica 1 - 1 Besiktas

Dynamo Kyiv 1 - 2 SSC Napoli

Barcelona 7 - 0 Celtic

Bayern Munich 5 - 0 FC Rostov

PSV Eindhoven 0 - 1 Atletico Madrid

Iteganyijwe uyu munsi saa 20:45

Manchester City vs Borussia Moenchengladbach

Bayer Leverkusen vs CSKA Moscow

Tottenham Hotspur vs Monaco

Legia Warszawa vs Borussia Dortmund

Real Madrid vs Sporting CP

Club Brugge vs Leicester City

FC Porto vs FC Koebenhavn

Juventus vs Sevilla

Lyon vs Dinamo Zagreb

Messi yarangije umukino atsinze ibitego bitatu
Neymar yishimira igitego yatsindikiye ikipe ye
Robert Lewandowski yashishije Bayern Munich guca agahigo
Thomas Muller yishimira igitego
Abakinnyi ba Paris St Germain bishimira igitego babonye ku isegonda rya 47
Alexis Sanchez na bagenzi be nyuma yo kwishyura
Abafana ba PSG batangiye umukino bari mu byishimo byo ku rwego rwo hejuru
Cavani niwe wafunguye amazamu rugikubita
Nicolas Sarkozy wigeze kuba Perezida w'u Bufaransa yari i Parc des Princes

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 28 Ugushyingo 2016
Copyright © 2009 -2014 - IGIHE Ltd - All Rights Reserved