Bruce Melodie azaririmba mu kumurikira ‘Gorilla Games’ abanyakigali

Yanditswe na Muvunyi Arsène
Kuya 8 Kanama 2019 saa 10:31
Yasuwe :
0 0

Umuhanzi Bruce Melodie azaririmbira abazitabira itangizwa ry’uburyo bwo gutega ku mikino y’amahirwe binyuze kuri internet bwa Gorilla Games.

Ni kuri uyu wa Gatandatu tariki 10 Kanama 2019 ubwo hazaba hasozwa amarushanwa y’imikino y’abatarabigize umwuga yatewe inkunga na Gorilla Games, kuri Stade Amahoro i Remera.

Kuri uwo munsi ni nabwo hazaba hatangiye shampiyona y’umupira w’amaguru mu Bwongereza ikunzwe na benshi.

Guhera uwo munsi abakunzi b’imikino bazatangira gutega babikoreye aho ari hose mu gihe bashobora gukoresha internet.

Bisaba gusa kujya ku rubuga rwa www.gorillagames.africa cyangwa ugashyira porogaramu ya Gorilla Games muri telefone igezweho [smart phone, Tablet cyangwa Ipad].

Abafite telefone zisanzwe nabo bashobora gutega bakoresheje ubutumwa bugufi cyangwa kode ya USSD.

Gorilla Games yazanye umwihariko ugamije gushyigikira leta y’u Rwanda mu kugabanya ihererekanywa ry’amafaranga mu ntoki.

Umuntu yifashishije uburyo bwa MTN Mobile Money, Airtel Cash cyangwa konti ye yo muri banki ashobora kohoreza amafaranga ku ikofi ye yo muri Gorilla Games kugira ngo abashe gutega.
Mu rwego rwo gukurikiza amabwiriza mashya agenga imikino y’amahirwe, abagana Gorilla Games basabwa kubanza kwiyandikisha bagatanga imyirondoro harimo amazina, nimero y’irangamuntu cyangwa pasiporo na nimero za telefone.

Ikoranabuhanga rya Gorilla Games ririzewe kuko ridashobora kwinjirwa n’abajura bakoresha ikoranabuhanga.

Gorilla Games imaze ukwezi izenguruka mu mijyi itandukanye mu rwego rwo kwiyereka abanyarwanda, aho banyuze nka Musanze, Rwamagana, Rubavu na Huye.

Gorilla Games irajwe ishinga n’imibereho myiza y’abaturage aho baharanira ko abatega badashirirwa bakisanga mu bihombo. Bagira kandi uruhare mu kubungabunga ibidukikije, kurwanya ibiyobobyabwenge mu rubyiruko n’ihohoterwa n’ibindi bitandukanye.

Gorilla Games yatangijwe n’ikigo cya Cheza Rwanda Games cyemewe na Minisiteri y’Ubucuruzi mu Rwanda.

Bruce niwe muhanzi ukorana na Gorilla Games
Guhera ku wa Gatandatu abantu bazatangira gutegera kuri internet binyuze muri Gorilla Games

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza