Airbus yakoze igishushanyo cy’indege ifite imiterere idasanzwe

Yanditswe na Bukuru JC
Kuya 28 Nyakanga 2019 saa 06:50
Yasuwe :
0 0

Uruganda rukora indege rwo mu Bwongereza, Airbus, rwagaragaje igishushanyo cy’indege ifite amababa agereranywa n’ay’igisiga cya kagoma cyangwa se ibindi biguruka byo mu kirere, cyakozwe mu rwego rwo gutanga umukoro ku bakora indege.

Imiterere y’iyi ndege yamuritswe na Minisitiri ushinzwe ubucuruzi mpuzamahanga mu Bwongereza, Liam Fox, ku wa Gatanu w’iki cyumweru.

Iyi ndege ntabwo izigera ikorwa ngo igurutswe mu kirere, ahubwo Airbus yasobanuye ko imiterere y’icyo gishushanyo iha umukoro abakiri bato bashaka gukora indege.

Mu gihe yaba imaze gukorwa, yaba ifite ubushobozi bwo gutwara abantu bageze kuri 80, ndetse no gukoresha amavuta make ku kigero 30%-50% ugereranyije n’ayo iziriho uyu munsi zikoresha.

Ikindi kandi ni uko iyi ndege iramutse ikozwe, yaba itandukanye n’izindi ziri ku isoko magingo aya kuko yo yaba ikoresha uburyo bubiri butandukanye buyiha ingufu zo kuguruka. Aho harimo gukoresha amavuta ya benzene nk’ibisanzwe cyangwa se igakoresha ingufu z’amashanyarazi.

Undi mwihariko ni uko ikoranabuhanga ryayo ryaba rijyanye n’aho Isi igeze muri iki gihe aho hirindwa ibintu byose bishobora kwangiza ikirere.

Ubwoko bw’iyi ndege ni kimwe mu bitekerezo bigaragaza ahazaza h’uru rwego mu gihe kiri imbere. Abahanga bagaragaza ko indege imeze nk’iyi ishobora kuba yakoresha amashanyarazi izajya mu kirere mu 2028.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza