Kwamamaza

Abafana b’Amavubi batangiye kugera muri Ghana

Yanditswe kuya 1-09-2016 saa 09:59' na Manzi Jules


Umukino u Rwanda ruzahuramo na Ghana kuri uyu wa Gatandatu tariki 3 Nzeli 2016 nta byinshi usobanuye ku ikipe yazitabira CAN ya 2017 ariko hari abafana bawufata nk’ukomeye cyane ugamije guhesha igihugu ishema ku buryo bamwe bamaze kugera i Accra gushyigikira Amavubi.

Ikipe y’Igihugu igizwe n’abakinnyi 18 igomba guhaguruka mu Rwanda kuri uyu wa Kane saa 14:00 yerekeza muri Ghana aho igiye guhangana n’iki gihugu cyayitsindiye i Kigali mu mukino ubanza igitego 1-0 mu guhatanira itike y’igikombe cya Afurika kizabera muri Gabon muri 2017.

Gutsindwa kw’Amavubi mu rugo na Mozambique byatumye amahirwe yose yo kubona itike ayoyoka ndetse abafana bamwe bacika intege ariko hari abandi biyemeje kutava inyuma y’iyi kipe.

Nk’uko Perezida w’abafana b’ikipe y’igihugu, Muhawenimana Claude yabitangarije IGIHE yagize ati “Twe nk’abafana ntabwo twafata umukino w’ikipe y’igihugu yambaye ibendera ry’u Rwanda nk’udafite icyo uvuze. Nubwo bitashobotse ko ikipe yitwara neza ngo ibe yaduserukira mu gikombe cya Afurika ariko bibaho mu mupira.”

Yakomeje agira ati “Abakinnyi twaganiriye umwuka ni mwiza, bose barashaka kugarurira icyizere abafana. […] Hari abafana bagera kuri 30 bamaze kugera muri Ghana biteguye kubashyigikira kandi twizeye ko n’abasigaye bazakomeza kubaba inyuma.”

Claude Muhawenimana, Perezida w'Abafana b'Amavubi arasaba Abanyarwanda kutayatererana kuko ahagarariye igihugu mu mahanga

Avuga ko Abanyarwanda aho bari hose batagomba gucibwa intege n’umusaruro utari mwiza Amavubi yatanze mu minsi ishize kuko ubu afite n’umutoza wumvikana n’abakinnyi.

Amavubi mu 2003 yakoze amateka atsinda Ghana igitego kimwe ku busa cya Jimmy Gatete kuri Stade Amahoro.

Ghana yamaze kwizera gukomeza kuko ari iya mbere mu itsinda H n’amanota 13, u Rwanda ni urwa kabiri n’amanota atandatu runganya n’ibirwa bya Mourice rukaba rusabwa gutsinda umukino wa Ghana kugira ngo rurangize ari urwa kabiri mu itsinda bibe byanarufasha kubona umwanya mwiza ku rutonde ngarukakwezi rwa FIFA aho ruri ku mwanya 121.

Abafana bari bitabiriye imyitozo ya nyuma y’Amavubi

Urutonde rw’abakinnyi b’Amavubi 18 bazajya guhangana kuri Ghana


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved