Uwizeyimana Bonaventure yabaye uwa 59 muri shampiyona y’Isi

Yanditswe na Ishimwe Israel
Kuya 12 Ukwakira 2016 saa 07:48
Yasuwe :
0 0

Uwizeyimana Bonaventure uri mu bakinnyi batandatu bahagarariye u Rwanda mu mikino y’Isi yo gusiganwa ku magare, yabaye uwa 59 mu bantu 66 barangije isiganwa mu cyiciro cyo kurushanwa umuntu ku giti cye mu bakuru, ku ntera ya kirometero 40 mu Mujyi wa Doha muri Qatar.

Isiganwa ryabaye kuri uyu wa Gatatu, ryegukanywe n’Umudage Martin Tony akoresheje iminota 44:42. Uyu munyonzi ni ku nshuro ya kane yegukanye iri rushanwa harimo eshatu yaritwaye yikurikiranya kuva 2011 kugera 2013.

Uwizeyimana yari yegukanye umwanya wa 97 asizwe 6’11” umwaka ushize mu batarengeje imyaka 23, kuri iyi nshuro yasiganwaga mu bakuru asoza ari uwa 59 asizwe iminota 10’22” n’uwaje ku mwanya wa mbere.

Abasiganwa bahuye n’umuyaga mwinshi ku buryo byatumye hari abatarirangiza.

Niyonshuti Adrien umwaka ushize niwe wari uhagarariye u Rwanda muri iki cyiciro, icyo gihe nawe ntiyigeze arangiza irushanwa.

Mu bandi banyarwanda basiganwe mbere ya Uwizeyimana barimo Areruya Joseph mu batarengeje imyaka 23, yabaye uwa 57 asizwe iminota 4:59, Ingabire Beata mu bakobwa aba uwa 39 asizwe iminota 13:25 mu gihe Ukiniwabo René Jean Paul yasoje ari uwa 67 mu basiganwa 83, asizwe iminota 5:48.

Uwizeyimana Bonaventure yabaye uwa 59 muri Shampiyona y'Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244