Kwamamaza

Tour du Rwanda: Rugg Timothy yegukanye agace ka Karongi-Rusizi, Ndayisenga aracyayoboye

Yanditswe kuya 16-11-2016 saa 08:47' na Jah d'eau DUKUZE


Umunyamerika ukinira ikipe ya Lowestrate.Ca yo muri CANADA, ni we wegukanye agace ka gatatu ka Tour du Rwanda kavaga i Karongi kerekeza i Rusizi mu nzira y’ibirometero 115 na metero 900 kakinwe kuri uyu wa 16 Ugushyingo 2016.

Umunyarwanda Ndayisenga Valens ukinira Dimension Data yo muri Afurika y’Epfo ni we ukiri imbere muri rusange.

Uko abakinnyi bakurikiranye kugera i Rusizi

  1. RUGG Timothy:TEAM LOWESTRATES.CA: 03h18’16’’
  2. ARERUYA Joseph: LES AMIS SPORTIFS: 03h18’18’’ +02’’
  3. EYOB Metkel: DIMENSION DATA: 03h18’18’’ +02’’
  4. OKUBAMARIAM Tesfom: ERITREA: 03h18’18’’ +02 ’’
  5. BYUKUSENGE Patrick: CLUB BENEDICTION: 03h18’26’’ +10’’
  6. NSENGIMANA Jean Bosco: STRADALLI - BIKE AID: 03h18’27’’ +11’’
  7. NDAYISENGA Valens: DIMENSION DATA: 03h18’27’’ +11’’
  8. BIZIYAREMYE Joseph:TEAM RWANDA: 03h18’29’’ +13’’
  9. GHEBREIGZABHIER Aman: DIMENSION DATA: 03h18’32’’ +16’’
  10. LAGAB Azzedine: ALGERIA: 03h18’35’’ +19’’
Rugg Timothy yageze i Rusizi yananiwe bigaragara
Bamubwiye ko hari Skol agarura agatege
Ni ko kugotomera adakuraho nkuko yabikoze kuri Prologue
Ati si njye wahera!
Atangaza ko agiye kongera gufata akaruhuko k'iminsi ibiri nyuma yo kwegukana agace k'uyu munsi
Valens nubwo atatwaye agace Karongi Rusizi, yishimiye kubonana na Minisitiri Uwacu
Aza kwambikwa Maillot Jaune nk'uyoboye abandi magingo aya
Ni we munyafurika uri imbere mu bihe
Amadorali 300 ahabwa umunyarwanda uyoboye abandi na yo yayacakiye
Birumvikana ko n'ayo SORAS ihemba ukiri muto ufite ibihe byiza na yo ari aye
Mugisha Samuel ni umusore ukiri muto ukomeje kwandikisha amateka
Ku myaka 18, yongeye guhembwa nk'uwarushije abandi kuzamuka, igihembo yari yanatwariye i Karongi

Uko abakinnyi bakurikirana nyuma y’umunsi wa kane, agace ka gatatu

NDAYISENGA Valens: DIMENSION DATA: 08h51’53’’
ARERUYA Joseph: LES AMIS SPORTIFS: 08h53’09’’ +01’16’’
OKUBAMARIAM Tesfom: ERITREA: 08h53’16’’ +01’23’’
NSENGIMANA Jean Bosco: BIKE AID: 08h53’19’’ +01’26’’
EYOB Metkel: DIMENSION DATA FOR QHUBEKA: 08h53’21’’ +01’28’’
GHEBREIGZABHIER W. Amanu: DIMENSION DATA: 08h55’18’’ +03’25’’
BYUKUSENGE Patrick: CLUB BENEDICTION: 08h55’19’’+ 03’26’’
KANGANGI Suleiman: KENYAN DOWNUNDER: 08h55’19’’ + 03’26’’
BURU Temesgen Mebrahtu: ETHIOPIA: 08h55’30’’ +03’37’’
WACHTENDORF Brett: TEAM LOWESTRATES.CA: 08h55’32’’ + 03’39’’

Rugg Timothy we yishimiraga gutwara agace ka kabiri muri iyi Tour du Rwanda 2016
Areruya Joseph yari yakoze ibishoboka ngo agere ku murongo ari imbere

Dore uko aka gace kagenze...

12: 20: Timothy Rugg yegukanye agace ka gatatu ka Tour du Rwanda asize amasegonda abiri Areruya Joseph wasoje ku mwanya wa kabiri.

12:16: Abasiganwa bageze mu Mujyi wa Kamembe aho bagiye kuzenguruka mbere yo gusoza.

Intera isigaye hagati y’igikundi na ba bakinnyi babiri ni amasegonda gusa, ikigaragara bafashwe.

11:50’: Hasigaye ibirometero 10 ngo basoze. Mugisha Samuel na Sebastien baracyari imbere, gusa igikundi cyabasatiriye, bagisizeho umunota umwe gusa.

11:50: Harabura kilometero 20,igikundi (peloton) gikomeje gusatira abakinnyi babiri bari imbere.

11:35 Mbere yo kuzamuka Shangazi, igikundi cyatangiye gusatira ba bakinnyi babiri bari imbere, kuri ubu hasigayemo iminota itatu gusa.

Reka tukwibutse ko nyuma ya buri gace hatangwa ibihembo bitanu. Uwatsinze agace ahabwa amadorali 340 ahembwa na SKOL, ukiri muto uhembwa na Soras amadorali 300, umunyafurika mwiza uhembwa amadorali 300 na Rwanda Air, uwazamutse kurusha abandi Cogebanque iha amadorali 300 n’umunyarwanda mwiza uhembwa na RDB amadorali 300. Hejuru y’ibyo, hatangwa umwenda w’umuhondo Minispoc yambika uza imbere ku rutonde rusange.

11:25’: Aho imihanda ya Huye na Karongi ihurira hasigaye ibirometero 25 ngo isiganwa risozwe. Nta kirahinduka, ba bakinnyi babiri baracyasiga igikundi ho iminota ine.

11:00: Nyamasheke-umuvuduko w’abakinnyi uri ku birometero 38 na metero 600 ku isaha. Mugisha na Sebastien bari imbere nubundi.

10:47: Kibogora- Mugisha na bagenzi be babiri bari imbere, bamaze kwanikira igikundi kibari inyuma, ho iminota itatu n’amasegonda 45. Tumaze kugenda ibiromtero 65, hasigaye 52.

10:38: Ba bakinnyi batatu twakubwiye bari imbere, kuri ubu basize igikundi ho iminota itatu. Igikundi ni cyo kirimo abakinnyi 65 basigaye.

Mugisha Samuel na Sebastien kuri ubu ni bo bari imbere...
Bamaze gusiga Boivin ubakurikiye, umunota n'amasegonda 10
Mu gihe kuri ubu kugera i Nyamasheke, babiri ba mbere basize igikundi ho iminota ine n'amasegonda 10

10:20: Karengera:Mugisha Samuel yongeye kwegukana akazamuko ka kane ka Jarama agira amahirwe menshi yo kuza kongera kwambikwa umwenda w’uzamuka kurusha abandi ubwo isiganwa riri bube rishojwe.

Twabibutsa ko Mugisha Samuel wayoboye igice kinini cy’isiganwa ry’ejo, kuri ubu ni we nubundi uri imbere, akaba anamaze kwegukana amanota yose mu tuzamuko dutatu tumaze gukinwa.

10:02: Kibirizi Abakinnyi babiri ni bo bari imbere Mugisha na Jeremie basize Guillaume wa gatatu ho amasegonda 30. Aba babiri bo kuri ubu basize igikundi ho umunota n’amasegonda 30

9;50: Ngoma- Umukinnyi Nzeke Jeremie wo muri Cameroon avuye mu isiganwa na we. Hasigayemo abakinnyi 68

9:50: Ngoma-Akazamuko ka gatatu, uwa mbere Mugisha Samuel, uwa kabiri Sebastien Fournet-Fayet, uwa gatatu Guillaume Bovin.

9:34: Akazamuko ka kabiri ujya i Gishyita, uwa mbere, Mugisha Samuel, uwa kabiri Sebastien Fournet-Fayet.

Ba bakinnyi batatu bari imbere, basize igikundi ho iminota ibiri.

9:25: Mugisha Samuel w’u Rwanda, Guillaume Bovin wa Cycling Academy na Fournet wo muri Haute Savoie bari imbere y’abandi, kuri ubu basize igikundi kibakurikiye umunota n’amasegonda 20.

9:20: David Polveronu wa Haute Savoie avuye mu isiganwa. Ubu abakinnyi basigaye mu isiganwa ni 69.

9:20: Akazamuko ka mbere, 1. Mugisha Samuel, 2. Fournet. Tubibutsa ko utuzamuko turi muri iyi nzira ari dutandatu bakaza guteranya amanota yose ubwo abakinnyi bari bube bageze i Rusizi.

9:20: Abakinnyi batatu bari imbere kuri ubu ni Mugisha Samuel w’u Rwanda, Guillaume Bovin wa Cycling Academy na Fournet wo muri Haute Savoie.

9:11: Abakinnyi babiri bari imbere y’abandi ni Alexis na Mugisha bo mu Rwanda na Guillaume Boivin wegukanye agace Kigali-Ngoma.

9:00: Isiganwa riratangiye:

Ndayisenga Valens wa Dimension Data birumvikana ko ari we uri butangire isiganwa yambaye umwenda w’umuhondo nyuma yo kwegukana agace Kigali Karongi yanikiye abandi. Mugisha Samuel wa Benediction y’i Rubavu ni we uyoboye ahandi mu gusiganwa ahazamuka mu gihe ibindi byiciro byose biyobowe na Valens.

Mu bakinnyi 73 batangiye isiganwa, Twizerane Mathie wa Les Amis Sportifs, Smith Morgan wa Kenya Downunders na Haile Dawit Araya wa Eritrea, ntabwo bari butangirane n’abandi kuko barangije kuva mu isiganwa.

Biteganyijwe ko abakinnyi bari buhaguruke i Karongi saa 9 :00 za mu gitondo, nta gihindutse bagasesekara i Rusizi saa 12 :10.

Amafoto-Manzi Rema Jules


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved