Kwamamaza

Ndayisenga Valens yegukanye Tour du Rwanda 2016

Yanditswe kuya 20-11-2016 saa 10:16' na Jah d'eau DUKUZE


Ku nshuro ya Kabiri Ndayisenga Valens yegukanye isiganwa ry’amagare rizenguruka u Rwanda ku nshuro ya munani, nyuma yo kuryegukana mu 2014.

Okubamariam, Tesfom wa mbere muri Afurika ni we wegukanye agace ka Kigali-Kigali, Ndayisenga Valens waje ku mwanya wa gatatu ahita yegukana Tour du Rwanda ku nshuro ya kabiri. Eyob Metkel ni we wasoje ku mwanya wa kabiri kuri iki cyumweru.

Ndayisenga Valens, ukinira ikipe ya Dimension Data yo muri Afurika y’Epfo, yegukanye agace ka Kigali-Karongi muri Tour du Rwanda 2016, kakinwe ku wa 15 Ugushyingo 2016.

Yegukanye kandi agace ka gatandatu ka Tour du Rwanda kavaga i Musanze kerekeza i Kigali, asize umunya-Eritrea, Eyob Metkel bari bahanganye.

Intsinzi mu irushanwa ryo gusiganwa ku magare isigaye mu Rwanda mu myaka itatu yikurikiranya nyuma y’aho mu 2014 yegukanwe na Ndayisenga Valens wongeye kuyisubiza uyu mwaka na Jean Bosco Nsengimana wayegukanye umwaka ushize.

Uko isiganwa ryagenze...

Ku munsi wa nyuma w’iri siganwa abasiganwa bazengurutse mu mujyi wa Kigali, mu nzira ubundi ifatwa nk’itagoranye ugereranyije n’izindi zose zaciwemo.

Ni inzira yatangiriye kuri stade Amahoro, igaca Controle Technique, Station Engen(Kimironko), Kibagabaga, Saint Ignace-Kinyinya, mu Kabuga ka Nyarutarama, MTN, RDB, Urwego, Airtel, Sportsview, ihwanye n’ibirometero 108.

12:08: Rugg Timothy yongereye intera yarushaga abamukurikiye, umunota n’amasegonda 45, akurikiwe na Dimension Data iyobowe na G. Amanuel, Ndayisenga Valens na Eyob Metkel.

11:48: Bazenguruka ku nshuro ya gatandatu, Rugg Timothy akomeje gushyiramo umunota umwe n’amasegonda 10. Inyuma ye hari Areruya Joseph na G. Amanuel wa Dimension Data

11:30: Rugg Timothy ari imbere wenyine, yasize igikundi ho umunota umwe n’amasegonda 12. Ruhumuriza ni we wagerageje kumukurikira, amuri inyuma ho umunota n’amasegonda arindwi. Basigaje kuzenguruka kane.

Icyo twakwibutsa, ni uko uretse ibihembo bitandukanye byagiye bitangwa ku musozo wa buri gace, uyu munsi umukinnyi uri bwegukane Tour du Rwanda, ari buhabwe amadorali 1900(1 534 000 Frw).

Ku muhanda aho abakinnyi banyuraga abakunze b'uyu mukino bari uruvunganzoka
Ndayisenga Valens yari yagiye yegukana ibihembo bitandukanye nyuma yo kwitwara neza mu duce tw'iri rushanwa
Ndayisenga yegukanye ataour du Rwanda ku nshuro ya kabiri
Ndayisenga Valens hamwe na Minisitiri w'Umuco na Siporo, Uwacu Julienne na Aimable Bayingana, Perezida wa Ferwacy
Ndayisenga Valens yishimira intsinzi
Ababyeyi ba Ndayisenga basuhuza bamwe mu bayobozi bishimira intsinzi y'umuhungu wabo
Mugisha Samuel, umukinnyi witwaye neza ahazamuka

Abakinnyi 58 ni bo batangiye aka gace ka nyuma ka Tour du Rwanda.

10:18: Ni bwo abakinnyi bazengurutse ku nshuro ya mbere, Lagab Azzedine ni we uhise ari uwa mbere gusa igikundi kimuri ku mugongo, iki ni cyo kirimo na Maillot Jaune.

Uko 10 ba mbere bahembwa

  1. 1900 USD
  2. 1200 USD
  3. 850 USD
  4. 600 USD
  5. 500 USD
  6. 400 USD
  7. 350 USD
  8. 300 USD
  9. 270 USD
  10. 200 USD

Amafoto:Faustin Nkurunziza/Rwanda Gov.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved