Kwamamaza

Tour du Rwanda irakomereza mu nzira Kigali-Karongi ireshya na kilometero 124,7

Yanditswe kuya 15-11-2016 saa 07:14' na Manzi Lema Jules


Nyuma y’agace gafungura Tour du Rwanda 2016 kabaye kuri iki Cyumweru kakegukanwa n’Umunyamerika, Rugg Timothy, wamaranye amasaha make umwenda w’umuhondo mbere yo kuwamburwa na Areruya Joseph kuri uyu wa Mbere, iri siganwa rirakomeza.

Kuri uyu wa Mbere ubwo abasiganwa berekeje mu Karere ka Ngoma mu Ntara y’Uburasirazuba, nta munyarwanda wigeze wegukana aka gace kuko katwawe n’umunya-Canada Guillaume Boivin ukinira Cycling Academy yo muri Israel. Gusa Umunyarwanda Areruya Joseph ni we wambitswe umwenda w’umuhondo nkuza imbere ku rutonde rusange rwa Tour du Rwanda 2016

Areruya Joseph w’imyaka 20 urimo gukina Tour du Rwanda ku nshuro ya kabiri nyuma y’iya 2015 yagaragayemo bwa mbere agahita atungurana arangiza ari uwa kabiri inyuma ya Nsengimana, ni umwe mu bagize ikipe ya Les Amis Sportif, imwe muri eshatu zihagarariye u Rwanda.

Kuri uyu wa Kabiri isiganwa rizakomereza i Karongi bahagurutse i Kigali. Abasiganwa barakora intera ya kilometero 124,7 mu mihanda yiganjemo imisozi, kuwa Gatatu bahagurukire i Karongi banyure i Nyamasheke basoreze i Rusizi, inzira igiye gukoreshwa bwa mbere Tour du Rwanda ireshya na kilometero 115,9.

Kuwa Kane, uzaba ari umunsi utoroshye muri Tour du Rwanda kuko abasiganwa bazanyura bwa mbere mu Ishyamba rya Nyungwe ryiganjemo imisozi miremire ndetse kakaba ari nako gace karekare muri Tour du Rwanda uyu mwaka, kareshya na kilometero 140,7 kuva i Rusizi bagera i Huye.

Kuwa Gatanu isiganwa rizakomeza bava i Muhanga berekeza i Musanze, ku Ntera ya Kilometero 125,8 kuwa Gatandatu bagaruke i Kigali bava i Musanze, agace gafite amateka akomeye muri Tour du Rwanda y’umwaka ushize kuko aribwo Umunyarwanda Nsengimana Jean Bosco yanikiye abandi aterera mu muhanda w’amabuye wo kwa Mutwe bajya i Nyamirambo, umuhanda wananiye abanyamahanga batari bake amagare bakayashyira ku mutwe.

Iri siganwa ririmo kuba ku nshuro ya munani, rizasozwa ku Cyumweru tariki 20 n’ubundi abasiganwa bazenguruka muri Kigali ku ntera ya 108,0 ari nabwo uryegukanye azaba amenyekana.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved