Team Rwanda yegukanye imidali itanu muri ITT ya Shampiyona Nyafurika ya 2021

Yanditswe na Eric Tony Ukurikiyimfura
Kuya 3 Werurwe 2021 saa 03:08
Yasuwe :
0 0

Abakinnyi b’Ikipe y’Igihugu y’Umukino wo gusiganwa ku Magare (Team Rwanda) begukanye imidali itanu irimo itatu ya Feza ku munsi wa kabiri wa Shampiyona Nyafurika iri kubera mu Misiri, abo basiganwe n’ibihe buri wese ku giti cye.

Kuri uyu wa Gatatu hakinwe umunsi wa kabiri w’iri rushanwa riri kuba ku nshuro ya 15, abakinnyi basiganwa n’ibihe buri mukinnyi akora ku giti cye [Individual Time Trial, ITT].

Ikipe y’Ingimbi y’u Rwanda yari igizwe na Niyonkuru Samuel na Tuyizere Etienne, yakoze intera y’ibilometero 28. Tuyizere yegukanye umudali wa Feza nyuma yo kuba uwa kabiri.

Mu bagore, Tuyishimire Jacqueline yegukanye umudali wa Feza naho Ingabire Diane yegukana uw’Umuringa nyuma yo kuza bakurikiranye ku mwanya wa kabiri n’uwa gatatu bakurikiranye, aho na bo bakoze intera y’ibilometero 28.

Habimana Jean Eric na Mugisha Moïse bahagarariye u Rwanda mu bagabo, basiganwa intera y’ibilometero 42.

Habimana yegukanye uwa Feza abaye uwa kabiri mu gusiganwa n’ibihe buri mukinnyi akora ku giti cye [Individual Time Trial, ITT] mu cyiciro cy’abatarengeje imyaka 23 mu gihe Mugisha yegukanye umudali w’Umuringa mu bakuru (Elite).

Ku wa Kabiri, u Rwanda rwari rwegukanye imidali itatu ya Feza ubwo ingimbi, abagabo bakuru n’abagore bakorera hamwe mu makipe mu gusiganwa n’ibihe [Team Time Trial, ITT].

Ku munsi wa gatatu w’iri rushanwa uzakinwa ku wa Kane, hazaba gusiganwa intera y’ibilometero 28 ku bahungu n’abakobwa bagize ikipe imwe [Mixed Riley], buri umwe akora ibilometero 14.

Ikipe y'u Rwanda yitwaye neza ku munsi wa mbere wa Shampiyona Nyafurika yo gusiganwa ku Magare iri kubera i Cairo mu Misiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .