00:00:00 IGIHE NETWORK KN KINYARWANDA EN ENGLISH FR FRANCAIS

Shampiyona y’Igihugu y’Amagare yasubitswe

Yanditswe na Habimana Sadi
Kuya 17 Kamena 2021 saa 12:30
Yasuwe :
0 0

Shampiyona y’umukino w’amagare yari iteganyijwe ku wa 19 na 20 Kamena yasubitswe kubera icyorezo cya Covid-19 gikomeje kwiyongera mu gihugu.

Ibi byatangajwe n’Ishyirahamwe ry’Umukino w’Amagare mu Rwanda (Ferwacy), biciye mu itangazo ryagenewe abanyamakuru.

Iri tangazo rigira riti “Nyuma yo kubiganiraho n’inzego z’ubuyobozi bw’igihugu cyacu, iyi shampiyona isubitswe kugira ngo hubahirizwe ingamba zo kwirinda ikwirakwira ry’icyorezo cya Covid-19 bigaragara ko cyongeye ubukana.”

Ntabwo higeze hatangazwa igihe gishya iyi shampiyona izabera.

Abasiganwa n’ibihe umuntu ku giti cye (ITT) bari kuzakinira mu Bugesera mu gihe isiganwa risanzwe ryo ryari kuzanyura Kanyinya-Base-Gicumbi-Gasanze (Gasabo).

Shampiyona y’umukino w’amagare yaherukaga gukinwa muri Kamena 2019.

Shampiyona y’igihugu iheruka yegukanywe na Uwizeyimana Bonaventure mu cyiciro cy’abakuru (Men Elite), Gahemba Bernabe mu ngimbi (Juniors), Ruberwa Jean Damascène mu batarengeje imyaka 23 na Nzayisenga Valentine mu cyiciro cy’abagore.

Abegukanye shampiyona y’igihugu ya 2019, uhereye ibumoso ni Gahemba (Ingimbi), Nzayisenga mu bagore, Uwizeyimana mu bakuru na Ruberwa mu batarengeje imyaka 23
Itangazo rya Ferwacy rimenyesha ko shampiyona y'Igihugu yasubitswe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .