Kwamamaza

Rwamagana:Afunzwe nyuma yo kugerageza kwica umwe mu bamukatiye muri gacaca

Yanditswe kuya 22-10-2016 saa 17:50' na Umutoni Rosine


Nyirishema Michel wari wararangije igihano cy’igifungo yakatiwe n’inkiko gacaca kubera uruhare yagize muri Jenoside yakorewe Abatutsi, yashatse kwicisha icyuma Mbayiha Mathias umwe mu nyangamugayo za gacaca zamuciriye urubanza.
Nyuma y’amezi ane arangije igifungo cy’imyaka 19 yari yarakatiwe, Nyirishema Michel w’imyaka 44 ukomoka mu Murenge wa Munyaga mu Karere ka Rwamagana, yagiye muri farumasi ya Mbayiha w’imyaka 80, umwe mu bamuciriye urubanza, ashaka kumwica.
Ku wa Gatatu w’iki cyumweru (...)

Nyirishema Michel wari wararangije igihano cy’igifungo yakatiwe n’inkiko gacaca kubera uruhare yagize muri Jenoside yakorewe Abatutsi, yashatse kwicisha icyuma Mbayiha Mathias umwe mu nyangamugayo za gacaca zamuciriye urubanza.

Nyuma y’amezi ane arangije igifungo cy’imyaka 19 yari yarakatiwe, Nyirishema Michel w’imyaka 44 ukomoka mu Murenge wa Munyaga mu Karere ka Rwamagana, yagiye muri farumasi ya Mbayiha w’imyaka 80, umwe mu bamuciriye urubanza, ashaka kumwica.

Ku wa Gatatu w’iki cyumweru nibwo Nyirishema yagiye muri Farumasi ya Mbayiha, amubwira ko arwaye mu myanya ndangagitsina, ajijisha ngo amubone urwaho.
Mbere yo kujya kumureba ngo yafashe umuti w’amenyo(colgate) asiga ku bugabo bwe, ashaka kugaragaza ko arwaye.

Mu kiganiro yagiranye na IGIHE, Umuvugizi wa Polisi mu Ntara y’Uburasirazuba, IP Kayigi Emmanuel yagize ati “Yamusabye ko bajya mu cyumba akamwereka uko arwaye. Yakoze mu mufuka w’ikote akuramo icyuma, afata akaboko uwo musaza aramubwira ati ‘ubu nanjye ngufiteho ububasha nk’ubwo mwangizeho igihe mwamburanishaga ari wowe perezida wa gacaca.’”

IP Kayigi yakomeje avuga ko Mbayiha yatabaje ari na ko asaba imbabazi Nyirishema, umukobwa umukorera muri farumasi arabumva.

Ubwo uyu mukobwa yabazaga ibibaye uwo mugabo yavanye wa musaza mu cyumba amuzana muri farumasi ahagaragara, amubwira ko imbaraga yari afite mu gihe cya gacaca uwari we wese yazigira.

“Umukobwa yafashe cya cyuma ashaka kukimwaka kiramukomeretsa, umugabo aramubwira ati ndamwica nawe nkwice, noneho undi ararekura.”

Abantu bakomeje guhurura havamo umwe aramufata amwaka icyo cyuma, bahita babimenyesha abashinzwe umutekano.

IP Kayigi yakomeje ati “Ubu afungiye kuri Station ya Polisi ya Kigabiro i Rwamagana. Yatubwiye ko atashakaga kwica uriya musaza ahubwo yashakaga kumukanga, ngo amwereke ko yababajwe n’imyaka yakatiwe muri gacaca.”

“Icyaha uyu mugabo akurikiranyweho gihanwa kimwe n’ubwicanyi, iyo batamufata ashobora kuba yari kumwica. Ingingo ya 140 iteganya ko igihano cy’umuntu wishe undi ari igifungo cya burundu. ”

"Polisi iri gukora dosiye kugira ngo iyishyikirizwe parike. Ntabwo umuntu akwiye kuzira akazi akora cyangwa yakoze…uzashaka kwitwaza imbaraga ze cyangwa imitekerereze ye agashaka kuziza umuntu akazi akora, amategeko ntazabyihanganira kandi n’abanyarwanda ntibazamwihanganira.”

Umuvugizi wa Polisi mu Ntara y’Uburasirazuba, IP Kayigi Emmanuel

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved