Kwamamaza

Guillaume Boivin yegukanye agace Kigali-Ngoma, Areruya Joseph ayobora isiganwa

Yanditswe kuya 14-11-2016 saa 09:19' na Jah d'eau DUKUZE


Umunyarwanda Areruya Joseph ni we wambitswe umwenda w’umuhondo nkuza imbere ku rutonde rusange rwa Tour du Rwanda 2016, ni nyuma y’aho agace ka mbere k’iri siganwa kavaga i Kigali kerekeza i Ngoma karangiye kegukanwe n’umunya-Canada Guillaume Boivin ukinira Cycling Academy yo muri Israel.

Inzira y’ibirometero byageze kuri 99 na metero 700, Guillaume Boivin yaje kuyirangiza ari ku isonga akoresheje amasaha abiri, iminota 12 n’amasegonda 35.

Uyu munya-Canada ariko, yaje kugerera ku murongo rimwe n’igikundi cyari kirimo na Areruya Joseph maze uyu musore w’i Rwamagana ahita afata umwanya wa mbere muri rusange, uteranyijeho n’ibihe yari yakoresheje ku cyumweru muri Prologue yakuyemo umwanya wa gatatu.

Uko abakinnyi bakurikiranye kugera i Ngoma n’amakipe baturukamo

  1. Boivin Guillaume (Cycling Academy Team), 02h12’35’
  2. Solomon Zemenfes (Eritrea) , 02h12’35’
  3. Okubamariam Tesfom (Eritrea) ,02h12’35’
  4. Buru Temsegen Mebrahtu (Ethiopie) ,02h12’35’
  5. Eyob Metkel (Dimensian Data) ,02h12’35’
  6. Uwizeye Jean Claude (Amis Sportifs) , 02h12’35’
  7. Fournet Fayar (Haute Savoie) ,02h12’35’
  8. Afewerki Elyas (Eritrea) ,02h12’35’
  9. Bussard Dimitri (Meubles Descartes ) ,02h12’35’
  10. Areruya Joseph (Amis Sportifs) ,02h12’35’

Abakinnyi 5 ba mbere ku rutonde rusange

  1. Areruya Joseph (Amis Sportifs) , 02h16" 38"
  2. Boivin Guillaume (Cycling Academy Team) ,02h16’39"
  3. Nsengimana Jean Bosco (Bike Aid ) ,02h16’39"
  4. Ndayisenga Valens (Dimension Data) ,02h16’40"
  5. Buru Temsegen Mebrahtu (Ethiopie) ,02h16’44"
Miss Rwanda Umutesi Jolly na we yari i Ngoma
Boivin ukinira ikipe yo muri Israel ni we waje ku isonga i Ngoma
Meron Amanuel ni we wahembwe nk'uwitwaye neza ahazamuka
Areruya Joseph yambitswe umwenda w'umuhondo ku nshuro ya mbere muri Tour du Rwanda
Anahembwa nk'ufite ibihe byiza mu bakiri bato
Anahabwa igihembo cy'umunyafurika uri imbere kugeza uyu munsi
Na RDB imuhemba nk'umunyarwanda uri imbere mu bandi bose 18 bari muri iyi Tour du Rwanda

Uko agace kagenze muri rusange

12:10: Umunyarwanda Areruya Joseph ni we uje imbere ku rutonde rusange, akazambikwa umwenda w’umuhondo guhera kuri uyu wa kabiri.

12:00: Boivin Guillaume wo muri Canada niwe wegukanye agace ka mbere ka Tour du Rwanda

11:50: Harabura ibirometero bibiri ngo isiganwa rirangire. Mu kanya kashize, Areruya Joseph n’abandi bakinnyi barindwi nibo bari imbere y’abandi bose.

11:30’:Kabarondo, Harabura ibirometero 20 ngo isiganwa risozwe. Abakinnyi bose bari hamwe.

11:15: Abakinnyi barindwi bari imbere, harimo Nsengimana Jean Bosco, Areruya Joseph na Nathan Byukusenge.

11:00: Abakinnyi batatu bari imbere Nathan Byukusenge w’u Rwanda, Guillaume Boivin wa Cycling Academy yo muri Israel na Omer bakinana. Basize abandi amasegonda 59. Harabura ibirometero bitatu ngo bagere i Kayonza.

10:45: Musha: Meron Amanuel wo muri Eritrea ukinira Bike Aid,ni we waje imbere mu kazamuko. Yakurikiwe na Mehari wo muri Eritrea na we.

Meron Amanuel watsinze akazamuko ka Musha
Rwamagana...
Kayonza

10: 15: Kuva kuri 15, abakinnyi barimo kugerageza gucomoka mu gikundi ariko bagahita bagarurwa byihuse. Kuri ubu Meron Amanuel wa Bike Aid na Twizeyimana Mathieu wa Les Amis Sportives ni bo bari imbere y’ abandi ubu bari hafi kuzamuka Musha.

9:47: Kuri 15, Jean Claude Uwizeyimana acomotse bagenzi be(Break Away)kuri ubu yasize igikundi amasegonda 14.

9:00’: Abakinnyi bose uko ari 73 barangije gusuzumwa mu kanya saa 9:30 bari bube bahaguruka ku Kicukiro.

Ruhumuriza wa Team Rwanda ajya inama na Uwizeye Jean Claude wa Les Amis Sportifs
Haute Savoie yo mu Bufaransa irahari yose
Meubles Descartes yo mu Busuwisi iriteguye
G. Amanuel wabaye uwa kabiri muri Prologue, yizeye gukora neza kurushaho
Dimension Data isesekara Kicukiro
Kicukiro abakunzi b'amagare baje ku bwinshi
Umunyamerika Rugh ni we wegukanye agace k'ejo akaba yatangiye isiganwa yambaye umwenda w'umuhondo
Bonaventure Uwizeyimana uyu munsi ni uwe
Ndayisenga Valens wa Dimension Data aganira na Bosco Nsengimana wa Bike Aid
Afurika y'Epfo iracyategerejwe
Jean Claude Herault ni we muyobozi wa Tour du Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved