Cycling Cup: Twizerane Mathieu yegukanye agace ka Bugesera-Muhanga (Amafoto)

Yanditswe na Mwizerwa Gilbert
Kuya 9 Nzeri 2017 saa 02:33
Yasuwe :
0 0

Twizerane Mathieu ukinira ikipe ya CCA y’i Huye niwe wegukanye isiganwa rya Cycling Cup mu gace kavaga i Bugesera ku mupaka w’u Rwanda n’u Burundi ahazwi nk’i Nemba kakagera mu Mujyi wa Muhanga ku ntera y’ibirometero 115.

Iri siganwa ryitabiriwe n’ibyiciro bitatu birimo abagabo 38, abakobwa batandatu n’abana bari mu cyiciro cy’abato 23. Mu bagabo, Twizerane Mathieu niwe waje imbere yanikiye abakinnyi bakomeye barimo Ndayisenga Valens wahuye n’ikibazo cyo gupfumukisha igare rye.

Twizerane yasize abo bari kumwe kuva mu Karere ka Kamonyi arinda agera i Muhanga akiri uwa mbere. Mu bakobwa, Ingabire Béatha yabaye uwa mbere naho mu cyiciro cy’abato, Manizabayo Eric ukinira Benediction aza ku mwanya wa mbere akoresheje amasaha abiri, iminota 18 n’amasegonda 33.

Rwanda Cycling Cup igizwe n’amasiganwa 10, ni irushanwa ryashyizweho kuva mu 2015. Rigamije gufasha abakinnyi b’Abanyarwanda gukomeza kugira ubunararibonye mu masiganwa ndetse rikaba rigira n’uduce twahariwe gutegura abakinnyi bahagararira igihugu muri Tour du Rwanda.

Valens Ndayisenga ni we wari uyoboye igikundi bava mu Bugesera
Abakinnyi ba Les Amis Sportif basiganwaga bajya inama
Twizerane Mathieu wa mbere yatereye ku Kivumu wenyine
Twizerane Mathieu yageze ku murongo wo gusorezaho yasize bagenzi be
Twizerane Mathieu yishimira intsinzi
Ingabire Béatha yabaye uwa mbere mu cyiciro cy'abakobwa
Ukiniwabo René Jean Paul ni we wabaye uwa mbere mu batarengeje imyaka 23
Manizabayo Eric watsinze mu ngimbi ashyikirizwa igihembo cy'ibihumbi 50
Ingabire Béatha yahembwe ibihumbi 50 by'amafaranga y'u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza