Kwamamaza

Nsengimana Jean Bosco yegukanye agace gategura Tour du Rwanda

Yanditswe kuya 22-10-2016 saa 15:21' na Manzi Rema Jules


Nsengimana Jean Bosco ukinira Bike Aid yo mu Budage yegukanye agace k’isiganwa ritegura Tour du Rwanda iteganyijwe mu kwezi gutaha, kava i Karongi kugera i Rusizi ku ntera ya kilometero 115,6.

Nsengimana yegukanye umwanya wa mbere yanikiye bagenzi be, aho yakoresheje amasaha atatu n’iminota 19 n’amasegonda 5, muri iri siganwa ryakinwe kuri uyu wa Gatandatu tariki ya 22 Ukwakira 2016.

Umwanya wa kabiri wegukanywe na Areruya Joseph wasizwe n’uwa mbere ho iminota itatu n’amasegonda 49.

Iri siganwa ryitiriwe Kivu Belt riri mu rwego rwo kwimenyereza imihanda mishya izakoreshwa muri Tour du Rwanda izaba mu kwezi gutaha.

Kuri uyu munsi hasiganwe abakinnyi bari mu makipe ane, arimo Team Rwanda, Benediction Club na Les Amis Sportifs ndetse n’indi kipe y’abakinnyi batoranyijwe.

Kuri iki Cyumweru, tariki ya 23 Ukwakira 2016, abasiganwa bazahaguruka i Rusizi berekeza mu Karere ka Huye ku ntera ya kilometero 140,7.

Isiganwa rizenguruka igihugu ‘Tour du Rwanda’ riteganyijwe kuba hagati ya tariki 13 kugeza kuya 20 Ugushyingo 2016.

Uko abakinnyi bakurikiranye ku rutonde rusange

Uko amakipe yakurikiranye

Nsengimana Jean Bosco ukinira Bike Aid yo mu Budage yegukanye isiganwa rya Kivu Belt
Nsengimana Jean Bosco aganira n'itangazamakuru
Abasiganwa mu muhanda bava i Karongi berekeza i Rusizi
Les Amis Sportifs yabaye iya mbere mu makipe
Abanya-Rusizi, bari buzuye ahantu hose no mu bushorishori bw'ibiti ngo bihere ijisho abasore banyonga igare
Imihanda yose yari yuzuyeho abantu bashaka kureba uwegukana isiganwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved