Bidasubirwaho, Tour du Rwanda 2021 izaba muri Gicurasi

Yanditswe na IGIHE
Kuya 10 Gashyantare 2021 saa 12:45
Yasuwe :
0 0

Impuzamashyirahamwe y’Umukino w’Amagare ku Isi (UCI) yemeje ko isiganwa rizenguruka igihugu (Tour du Rwanda) rizaba muri Gicurasi nyuma yo guhindurirwa amatariki mu kwirinda icyorezo cya COVID-19.

Muri Mutarama 2021 ni bwo Ishyirahamwe ry’Umukino wo gusiganwa ku Magare mu Rwanda (FERWACY) ryatangaje ko Tour du Rwanda 2021 yagombaga kuba hagati muri Gashyantare 2021 ryimuriwe muri Gicurasi.

Ni icyemezo cyatangajwe ku wa 15 Mutarama 2021, nyuma yo kureba uburyo COVID-19 ihagaze mu bice byinshi by’Isi bikagaragara ko bishobora kubangamira imitegurire myiza ya Tour du Rwanda.

Itangazo ryashyizwe hanze ryagize riti “Nyuma yo kuganira n’inzego zitandukanye za guverinoma, FERWACY yafashe icyemezo cyo gusubika Tour du Rwanda ya 2021 yari iteganyijwe hagati ya tariki ya 21 n’iya 28 Gashyantare.”

FERWACY yatangaje ko irushanwa ryimuriwe ku wa 2-9 Gicurasi ariko amatariki mashya akabanza kwemezwa na UCI.

Ibinyujije ku rukuta rwa Twitter, Tour du Rwanda yatangaje ko aya matariki yemejwe bidasubirwaho.

Bugira buti “Twishimiye gutangaza ko UCI yemeje amatariki mashya ya Tour du Rwanda, ku wa 29 Gicurasi 2021.’’

Tour du Rwanda igiye kuba ku nshuro ya 13 kuva ibaye mpuzamahanga, ni ku nshuro ya gatatu izaba ibaye iri ku rwego rwa 2.1, aho yitabirwa n’amakipe akomeye aturutse ku migabane itandukanye.

Umunya-Érythrée Natnael Tesfazion ni we wegukanye Tour du Rwanda 2020, yabaye hagati ya tariki ya 23 Gashyantare n’iya 1 Werurwe, akurikirwa n’Umunyarwanda Mugisha Moïse ukinira SACA.

Ku wa 27 Ugushyingo 2020 ni bwo hatangajwe amakipe 15 muri 17 azitabira Tour du Rwanda 2021.

Amakipe yemeje kwitabira isiganwa rya 2021:

Amakipe y’Ibihugu (3): Rwanda, Algérie na Ethiopia.

Amakipe yo ku migabane (7): Benediction Ignite Team (Rwanda), SACA (Rwanda), Pro Touch (Afurika y’Epfo), Bike Aid (u Budage), Vino Astana Motors (Kazakhstan), TSG (Malaysia) na Medellin (Colombia).

Amakipe yabigize umwuga (5): Team Novo Nordisk (USA), B&B Hotel (France), Androni Giocattoli (Italie), Total Direct Energie (France), Israel Cycling Academy (Israël).

Inzira za Tour du Rwanda 2021

  • Agace ka Mbere: Kigali Arena- Rwamagana (ibilometero 115,6)
  • Agace ka Kabiri: Kigali- Huye (ibilometero 120.5)
  • Agace ka Gatatu: Nyanza- Gicumbi (ibilometero 171,6)
  • Agace ka Kane: Kimironko - Musanze (ibilometero 123,9)
  • Agace ka Gatanu: Nyagatare- Kimironko (ibilometero 149,3)
  • Agace ka Gatandatu: Kigali (KBC)- Kigali (Mont Kigali) (ibilometero 152.6)
  • Agace ka Karindwi: Kigali (Nyamirambo)- Mont Kigali ( ITT- ibilometero 4.5)
  • Agace ka Munani: Kigali (Canal Olympia)- Kigali (Canal Olympia) (ibilometero 75,3)
Irushanwa rya Tour du Rwanda mu 2021 byemejwe ko rizakinwa mu matariki ya mbere ya Gicurasi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .