Kwamamaza

Areruya Joseph yegukanye agace Rusizi-Huye gategura “Tour du Rwanda”

Yanditswe kuya 23-10-2016 saa 15:25' na Manzi Lema Jules


Ku munsi wa kabiri w’irushanwa ryashyiriweho gutegura abakinnyi bazahagararira u Rwanda muri Tour du Rwanda 2016, ryavaga i Rusizi ryerekeza i Huye rinyuze mu ishyamba rya Nyungwe, ryegukanywe na Areruya Joseph usanzwe ukinira Les Amis Sportif.

Iri siganwa ryatangiye kuri uyu wa Gatandatu tariki 22 Ukwakira 2016, abasiganwa 20 bari mu makipe ane harimo atatu azakina Tour du Rwanda (Team Rwanda, Benediction na Les Amis Sportif) n’indi imwe igizwe n’abakinnyi batoranyijwe, bahagurutse i Karongi bajya i Rusizi ku ntera ya kirometero 115,6.

Aka gace ka mbere kegukanywe na Nsengimana Jean Bosco ukinira Bike Aid yo mu Budage akoresheje amasaha atatu n’iminota 19 n’amasegonda 54.

Mu gitondo cyo kuri iki Cyumweru, abasiganwa bahagurutse mu mujyi wa Rusizi berekeza i Huye banyuze mu ishyamba rya Nyungwe, ku ntera ya kilometero 140,7.

Ni agace kari kagoye cyane kubera imisozi iri muri iri shyamba ndetse no kuba ari ubwa mbere uyu muhanda wari ukoreshejwe kuva amagare yatangira gukinwa mu Rwanda ku rwego mpuzamahanga.

Aka gace kaje kwegukanwa na Areruya Joseph wo muri Les Amis Sportif y’i Rwamagana, akoresheje 4:9’41’’.

Uyu musore yageze ku murongo akurikiranye na mugenzi we bakinana Twizerane Mathieu ari nawe wakoze akazi gakomeye uyu munsi kuko yavuye i Buhinga mbere gato yo kwinjira muri Nyungwe yacitse bagenzi be kugera i Nyamagabe ari ho Areruya yamufatiye barajyana kugeza basoje.

Areruya yakurikiwe na Twizerane Mathieu (Amis Sportifs) 4:9’44”, Biziyaremye Joseph (team Rwanda) 4:19’20’’, Ruhumuriza Abraham(Team Rwanda) 4:19’20’’, Uwizeye Jean Claude (Amis Sportif) 4:19’20’’.

Areruya Joseph yegukanye agace ka kabiri k'irushanwa ritegura Tour du Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved