Kwamamaza

Amagare: Umunyarwanda yakoze amateka muri Tour de Côte d’Ivoire

Yanditswe kuya 26-09-2016 saa 18:18' na Manzi Rema Jules


Ku nshuro ya mbere Umunyarwanda, Gasore Hategeka yanditse amateka yo kwegukana agace (etape) mu irushanwa mpuzamahanga rizenguruka Côte d’Ivoire ku munsi waryo wa gatatu, yanikiye abandi ubwo bavaga Bouaké berekeza Daoukro, akoresheje amasaha 4:16:51 ku ntera y’ibirometero 160.

Gasore Hategeka yitabiriye iri siganwa nyuma y’uko yari amaze iminsi yitwara neza muri Rwanda Cycling Cup aho yegukanye uduce tubiri duheruka harimo Muhazi Challenge na Central Challenge.

Uyu musore w’imyaka 29, kuri uyu wa Mbere ku munsi wa gatatu w’isiganwa rizenguruka Côte d’Ivoire ryitiriwe ubwiyunge “Tour de la Réconciliation” yanikiye bagenzi be bose uko ari 50 baryitabiriye aba Umunyarwanda wa mbere wegukanyemo agace.

Umwaka ushize abanyarwanda bitwaye neza barimo Biziyaremye Joseph wabaye uwa gatatu ku munsi wa mbere, Hadi Janvier aba uwa kabiri ndetse akurikirwa Hakuzimana Camera ku munsi wa kabiri, ku rutonde rusange Hadi Janvier asoza ku mwanya wa kabiri.

Uyu mwaka Abanyarwanda bari batangiye bagorwa n’abanya – Maroc bari bakomeje kwiharira imyanya ya mbere ariko Gasore Hategeka kuri uyu munsi akaba yitwaye neza ahesha u Rwanda ishema.

Ku rutonde rw’uyu munsi, ruyobowe na Gasore Hategeka wakoresheje amasaha 4:16:51, akurikirwa n’umunya- Maroc Mraouni Salah Eddine, Cisse Isiaka wo muri Côte d’Ivoire, Zahiri Abderrahim, Ilboudo Harouna, Chokriel Mehdi, Ruhumuriza Abraham aba uwa karindwi, bose bakoresheje ibihe bingana n’ibya Gasore Hategeka.

Abandi banyarwanda nka Biziyaremye Joseph yabaye uwa 13 asinzwe amasegonda 26, Nduwayo Eric aba uwa 25 naho Tuyishimire Ephrem aba uwa 32 basizwe iminota 3:34 mu gihe Karegeya Jérémie yasoje ari uwa 36 asizwe iminota 3:41.

Mu rutonde rusange nyuma y’umunsi wa gatatu, u Rwanda rufite abakinnyi batatu mu 10 ba mbere harimo Biziyaremye Joseph wa gatanu, urushwa iminota 2:42 na Zahiri Abderrahim wo muri Maroc umaze gukoresha amasaha 9:31:03, Gasore Hategeka yavuye ku mwanya wa 16 ahita aba uwa gatandatu naho Ruhumuriza Abraham akaba yavuye ku mwanya wa 20 ahita aba uwa munani.

Gasore Hategeka yegukanye étape ya gatatu muri Tour de Côte d’Ivoire
Gasore Hategeka, umwe mu Banyarwanda bitwaye neza muri iri rushanwa
Uko abasiganwa bakurikiranye ku rutonde rusange

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved