Kwamamaza

Muri Tour de Côte d’Ivoire,Abanyarwanda bakomeje kugorwa n’Abanya-Maroc

Yanditswe kuya 26-09-2016 saa 10:54' na Manzi Rema Jules


Abakinnyi batandatu bahagarariye u Rwanda mu irushanwa ryo gusiganwa ku magare rizenguruka Côte d’Ivoire ryitiriwe ubwiyunge “Tour de la Réconciliation” bakomeje kwerekwa igihandure n’Abarabu.

Iri siganwa ryatangiye kuwa Gatandatu tariki 24 Nzeri bazenguruka mu Mujyi wa Bouaké, imyanya ya mbere yiharirwa n’abanya Mar-c ndetse no ku munsi wa kabiri kuri iki Cyumweru bava Bouaké bajya Dabakala bakomeza kugorwa n’aba Barabu.

Muri iri rushanwa ririmo kuba ku nshuro ya kabiri kuva ryatangira umwaka ushize, u Rwanda ruhagarariwe n’abakinnyi batandatu barimo Gasore Hatageka, Tuyishimire Ephrem, Ruhumuriza Abraham, Biziyaremye Joseph, Karegeya Jeremy na Nduwayo Eric.

Ku munsi wa mbere bazenguruka mu Mujyi wa Bouaké ku ntera y’ibirometero 97,2 kuwa Gatandatu Abanyarwanda babiri babashije kurangiza mu 10 ba mbere ndetse n’abandi bose baza mu myanya 20 ya mbere ariko abanya Maroc Zahiri Abderrahim na EL KOURAJI Mohcine babanikiye.

ZAHIRI Abderrahim yabaye uwa mbere akoresheje amasaha 2:03:44, Umunyarwanda Biziyaremye Joseph aba uwa gatanu asizweho iminota 2:16 kimwe na Hategeka Gasore wabaye uwa karindwi, Nduwayo Eric wa 11, Karegeya Jeremie wa 17, Tuyishimire Ephrem 18 na Ruhumuriza Abraham wa 19 bose bakoresheje ibihe bingana.

Ku munsi wa kabiri kuri iki Cyumweru, abasiganwa uko ari 50 bahagurukiye Bouaké bajya Dabakala ku ntera y’ibirometero 133.8, Abanyarwanda babiri nubundi baza mu 10 ba mbere ariko kuva kuwa mbere kugera kuwa kane yafashwe n’abanya-Maroc.

Biziyaremye Joseph yabaye uwa munani, asizwe amasegonda 0:26 na Haddi Soufiane wa mbere wakoresheje amasaha 3:10:28, Karegeya Jeremie aba uwa 10, Ruhumuriza Abraham 15, Nduwayo Eric 18, Hategeka Gasore 23, bose bakoresheje ibihe bingana naho Tuyishimire Ephrem aba uwa 43 uwa mbere amusizeho umunota umwe n’amasegonda 42.

Kuri uyu wa Mbere biteganyijwe ko bakina agace ka gatatu muri turindwi bazanyonga, bakaza guhagurukira Bouaké berekeza Daoukro ku ntera y’ibirometero 160.

Umwaka ushize ubwo Abanyarwanda bitabiraga iri siganwa ryabaga ku nshuro ya mbere, Abanyarwanda batatu basoje mu 10 ba mbere barimo Hadi Janvier wari uwa kabiri, Areruya Joseph wari uwa gatanu ndetse na Biziyaremye Joseph wari uwa 10.

Hadi Janvier(ibumoso) yari yabaye uwa kabiri umwaka ushize
Umwaka ushize Abanyarwanda bari bitwaye neza baza mu myanya y'imbere

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved