Kwamamaza

Abakinnyi bazakina ’Tour du Rwanda 2016’ barerekeza i Rusizi na Huye

Yanditswe kuya 20-10-2016 saa 11:41' na Manzi Rema Jules


Mu gihe hasigaye ibyumweru bitatu, Abanyarwanda bakongera kuryoherwa n’ibirori ngarukamwaka by’isiganwa y’amagare rizenguruka igihugu (Tour du Rwanda), abakinnyi bose bagize amakipe atatu azaserukira u Rwanda n’indi imwe y’abatoranyijwe, barerekeza i Rusizi kuri uyu wa Gatandatu mu myiteguro.

Karongi – Rusizi na Rusizi- Huye ni amarushanwa abiri yari ku ngengabihe ya Rwanda Cycling Cup 2016 ariko yamaze gukurwaho, ahubwo akazakinwa nk’imyiteguro ku makipe n’abakinnyi bazaserukira u Rwanda muri “Tour du Rwanda 2016” izakinwa hagati ya tariki 13 na 20 Ugushyingo 2016.

Umunyamabanga w’ishyirahamwe ry’umukino wo gusiganwa ku magare mu Rwanda, FERWACY, Emmanuel Murenzi, yabwiye IGIHE ko izi mpinduka zigamije gutegura amakipe azakina Tour du Rwanda no kureba urwego abakinnyi bagezeho nyuma y’ukwezi n’igice bari mu mwiherero.

Ati “Turashaka gutegura amakipe akomeye azakina Tour du Rwanda, niyo mpamvu aya marushanwa yombi atazabarirwa muri Rwanda Cycling Cup 2016 kuko atazakinwa n’amakipe yose asanzwe agaragaramo. Tuzategura irindi rushanwa ryo gusoza Rwanda Cycling Cup ariko rizaba nyuma ya Tour du Rwanda.”

Murenzi yakomeje avuga ko mu kwezi n’igice abakinnyi bamaranye bakorana imyitozo umunsi ku munsi, abandi bitabira amarushanwa mpuzamahanga atandukanye, ngo bitanga icyizere ko iri rushanwa rimaze imyaka ibiri ryegukanwa n’Abanyarwanda n’ubundi bishoboka ko n’uyu mwaka babisubiramo.

Abakinnyi batoranyijwe kuzakina aya marushanwa abiri mu mpera z’iki Cyumweru, bazahaguruka i Karongi berekeza i Rusizi ku ntera ya kilometero 115,6 ku wa Gatandatu na ho ku Cyumweru bahaguruke i Rusizi berekeza i Huye(140,7 km) banyuze mu ishyamba rya Nyungwe.

Izi nzira zose zizananyurwamo n’abazaba basiganwa muri Tour du Rwanda, ibintu bizaba bizakozwe bwa mbere, kuva yaba mpuzamahanga.

Aya marushanwa azitabirwa n’amakipe ane harimo atatu azakina Tour du Rwanda (Team Rwanda, Benediction Club na Les Amis Sportif) hamwe n’ikipe igizwe n’abakinnyi batandukanye bamaze iminsi bitwara neza mu marushanwa yabereye mu Rwanda.

Amakipe azasiganwa muri aya marushanwa yombi n’abayagize:

Team Rwanda

Byukusenge Nathan (Benediction)
Ruhumuriza Abraham (CCA)
Biziyaremye Joseph (Cine Elmay)
Gasore Hategeka (Benediction)
Nduwayo Eric(Benediction)

Benediction Club

Byukusenge Patrick (Benediction)
Mugisha Samuel (Benediction)
Ruberwa Jean (Benediction)
Karegeya Jeremy (Cine Elmay)
Nizeyiman Alex (Benediction)

Les Amis Sportifs

Uwizeye Jean Claude (Les Amis Sportifs)
Areruya Joseph (Les Amis Sportifs)
Twizerane Mathieu (CCA)
Tuyishimire Ephrem (Les Amis Sportifs)
Hakiruwizeye Samuel (CCA)

Ikipe ya kane

Nsengimana Bosco
Hakizimana Seth
Hakizimana Didier
Mpitiwenimana Papy
Ukiniwabo Rene Jean Paul

Ikipe ya Benediction izakina Tour du Rwanda idafite Nathan Byukusenge washyizwe muri Team Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved