Kwamamaza

Twitter yongeye gufunga konti ibihumbi 235 z’abakekwaho gukorana n’imitwe y’iterabwoba

Yanditswe kuya 19-08-2016 saa 18:43' na Nshimiyimana Gonzalde


Ubuyobozi bwa Twitter bwatangaje ko bwafunze konti zisaga ibihumbi 235 z’abantu bakekwaho kuvogera imikorere yayo bahanahana amakuru ashyigikira iterabwoba binyuze mu butumwa bandikirana.

Mu itangazo ryashyizwe hanze kuri uyu wa kane tariki ya 18 Kanama 2016, rigaragaza ko umubare wa konti zimaze gufungwa wahise uzamuka ugera ku bihumbi 360, nyuma y’izafunzwe kuva mu mezi yo hagati ya 2015.

Sosiyete ishinzwe gukurikirana ibikorwa byo kugenzura ibikorerwa kuri Twitter iherereye i San Francisco itangaza ko bimaze gutanga umusaruro ufatika mu bikorwa byo kurwanya iterabwoba.

Twitter yokejwe igitutu ishinjwa kudatanga uruhare rwayo mu kugaragaza uburyo abantu bamwe bayikoresha bandikirana mu buryo bunyuranyije n’amabwiriza yayo ndetse no guhangana n’abayikoresha mu guhungabanya umutekano w’abatuye Isi.

Iki gikorwa cyo gufunga izi konti cyatangiye muri Gashyantare uyu mwaka ubwo twitter yatangazaga ko yafunze izigera ku bihumbi 125 bavuga ko zitubahiriza amategeko ayigenga, zagaragayeho ubutumwa bushyigikira ibikorwa by’iterabwoba.

Ubuyobozi bwa Twitter bubinyujije ku rubuga rwayo bwagize bati “ Isi imaze kugerwaho ibikorwa byinshi by’iterabwoba ndetse byahitanye abantu batabarika. Twamaganye ibi bikorwa kandi dukomeje urugamba rwo kurwanya iterabwoba rikorerwa ku mbuga zacu.”

Kuva mu mwaka ushize kugeza ubu, twitter ifunga konti buri munsi bitewe n’ivugurura ryabaye mu mikorere mu rwego rwo gutahura abari mu mugambi w’iterabwoba.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved