Kwamamaza

Hatangijwe urubuga rufasha kubona amakuru arebana n’ubutaka bwa leta

Yanditswe kuya 11-10-2016 saa 21:11' na Mukaneza M.Ange


Minisiteri y’Ubuhinzi n’Ubworozi (Minagri) ku bufatanye n’Ikigega cya Leta Zunze Ubumwe za Amerika gishinzwe iterambere mpuzamahanga (USAID), yatangije urubuga rwa rwa Internet rukubiyeho amakuru yose arebana n’ubutaka bwa leta n’ibikorwa bishobora gukorerwaho.

Ubwo uru rubuga rwitwa ALIS (Agriculture Land and Information System) rwatangizwaga ku mugaragaro kuri uyu wa 11 Ukwakira 2016, Minagri yagaragaje ko bizatuma abantu bifuza gushora imari mu buhinzi n’ubworozi.

Umunyamabanga wa Leta muri Minagri ushinzwe Ubuhinzi, Fulgence Nsengiyumva yagize ati”Abashoramari babyifuza bazajya babasha kubona amakuru ajyanye n’ubutaka runaka n’ibikorwa bihari bitabaye ngombwa ko baza mu Rwanda. Abashoramari bazajya babasha gutegura uburyo bagurisha umusaruro wabo.”

Yakomeje avuga ko kandi amakuru akubiye ku rubuga ALIS azorohereza Minagri mu gukora igenamigambi no kugena ingengo y’imari yashorwa ahazakorerwa ibikorwa by’abikorera bizanira inyungu abaturage.

Ambasaderi wa Leta Zunze Ubumwe za Amerika mu Rwanda, Erica J. Barks-Ruggles yavuze ko igihugu cye gitewe ishema no kugira uruhare mu ishyirwa mu bikorwa by’uyu mushinga kandi ko bizeye ko uzagira uruhare mu gutuma intego yo kongera umubare w’abashora imari mu buhinzi u Rwanda rwihaye.

Uru rubuga rushyizweho mu gihe kimwe mu mbogamizi zatumaga ubuhinzi butabasha kubona abashoramari bikorera ari ukubona amakuru arebana n’ubutaka bakeneye.

Ubutaka bungana na hegitari ibihumbi 24 bwa leta nibwo ushobora kubona amakuru abwerekeye arimo ibihingwa bishobora kubuhingwaho bitewe n’imiterere yabwo, ubworozi bushobora kuhakorerwa, ibikorwaremezo bihegereye ndetse n’ibindi byinshi.

Biteganyijwe ko mu cyiciro cya kabiri, uru rubuga ruzashyirwaho n’amakuru yose arebana n’ubutaka bw’abantu ku giti cyabo bushobora gukorerwaho ubuhinzi n’ubworozi.

Amakuru ari ku rubuga ALIS uyabona unyuze kuri www.minagri.gov.rw/investorapp.
Gukora no gukusanya amakuru yose ari kuri ALIS byatwaye hafi miliyoni 50 z’amafaranga y’u Rwanda yatanzwe na USAID ibinyujije mu mushinga PSDAG(Private Sector Driven Agricultural Growth) ugamije kongera umusaruro w’ubuhinzi.

Ambasaderi wa Amerika mu Rwanda,Erica J.Barks Ruggles n'Umunyamabanga wa Leta muri Minagri ushinzwe ubuhinzi, Fulgence Nsengiyumva
Ruggles yavuze ko LIS itanga icyizere cyo kongera ishoramari mu buhinzi
Iyi karita ikwereka aho ubutaka butandukanye bwa leta buherereye

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved