Hakozwe porogaramu ishobora kwerekana imyitwarire y’umugore hashingiwe ku isura

Yanditswe na Mukaneza M.Ange
Kuya 22 Ukuboza 2016 saa 02:13
Yasuwe :
0 0

Itsinda ry’abashakashatsi bo mu Bushinwa batangaje ko babashije gukora porogaramu ya mudasobwa ishobora kukwereka imyitwarire y’umugore hagendewe ku isura ye.

Iyi porogaramu yiswe AI igenzura ibintu bitandukanye biri mu maso y’umugore cyangwa umukobwa runaka ubundi ikerekana niba imico ye ari myiza cyangwa yitwara nabi.

Porogaramu ya AI yakozwe n’abashakshasti bo muri kaminuza ya Shanghai Jiaotong barimo Wu Xiaolin, Zhang Xi na Liu Chang.

Wu Xiaolin ukuriye iri tsinda yabwiye ikinyamakuru People’s Daily ko mu bushakashatsi bwabo bifashishije amafoto y’abagore 3954.

Nyuma yo kuyanyuza muri porogaramu bakoze baje gusanga ibihumbi bibiri muri bo bari mu cyiciro cy’abitwara neza bise S+ mu gihe abandi 1954 bari mu cyiciro cy’abitwara nabi(S-).

Byinshi ku byavuye muri ubu bushakshatsi biteganyijwe ko bizasohoka mu bubiko bwa arXiv, ububiko bukusanyirizwamo inyandiko za Siyansi.

Iri tsinda kandi ryari riherutse gutangaza ko iyi porogaramu ya AI ishobora kumenya niba umuntu ashobora kuba ari umunyabyaha binyuze mu kugenzura imiterere y’isura ye.

Wu Xialon, umwe mu bagize itsinda ryakoze iyi porogaramu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza