Facebook igiye kugera ikirenge mu cya YouTube mu kwerekana video

Yanditswe na Mfitumukiza Moïse
Kuya 12 Kanama 2017 saa 03:31
Yasuwe :
0 0

Urubuga nkoranyambaga rwa Facebook rugiye gutangiza uburyo bwo kwerekana amashusho bwiswe “Watch” bushobora guhangana na YouTube yamaze kwigarurira isoko ryo kwerekana video kuri internet.

Andi ma video azajya atambuka kuri uru rubuga azajya ashyirwaho n’abafatanyabikorwa muri uyu mushinga barimo National Geographic, Time Inc, NASA na NBA.

Umuvugizi wa Facebook yabwiye CNN dukesha iyi nkuru ko batarabona amashusho ahagije yo kuzerekana kuri uru rubuga, avuga ko ibyashyizwe hanze ari igeragezwa ryo kureba uko umushinga uzagenda.

Ubu buryo bushya bwo kwerekana amavidewo buri gukorwa n’uru rubuga buzajya bwerekana ibikorwa birimo imikino ya shampiyona ya Basketball muri Amerika, NBA.

Itangazwa ry’uyu mushinga wa Facebook ryitezweho kuba urufunguzo ruyihanganisha byeruye na sosiyete ya Google yari isanzwe yerekana amashusho ari yo YouTube.

Abakoresha Facebook bazajya bahitamo ubwoko bw’amashusho bifuza ko azajya abageraho nk’uko kuri YouTube uhitamo ibyo wifuza kujya ureba(Subscribe) ukoresha ubu buryo azajya yerekwa n’ibyo inshuti ze ziri kureba kugira ngo na we abashe kuba yabireba.

Facebook ivuga ko ubu buryo bwo kwerekana amashusho butangirira muri Leta Zunze Ubumwe za Amerika kuri mudasobwa na telephone ubundi bukazakwizwa mu bindi bice by’isi nyuma.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza