Imodoka 11 za mbere zahenze cyane mu mateka y’isi

Imodoka 11 za mbere zahenze cyane mu mateka y’isi


Yanditswe kuya 1er-03-2012 - Saa 14:08'

Buri wese yakwibaza uko imodoka ihenze cyane iba imeze cyangwa akarusho kayo ugereranyije n’izindi. Urubuga www.thesupercars.org dukesha iyi nkuru rugaragaza ko Bugatti Royale Kellner Coupe ariyo modoka yaguzwe amafaranga menshi angana n’amadolari 8,700,000 mu 1987. Nyamara iyi modoka n’izindi zimeze nkayo ntiziri bugaragare kuri uru rutonde, kuko zitongeye gukorwa mu nganda ngo zibe zaragiye ku isoko.

Imodoka ihendutse kuri uru rutonde ni Koenigsegg CCX yaguzwe amafaranga $545,568 angana hafi na 327.340.800 mu Manyarwanda. Iyi ihenze cyane twavuze ruguru iyikubye inshuro hafi 16 mu biciro.

Hano, twaguteguriye urutonde rw’imodoka 10 zahenze kurusha izindi :

Bugatti Veyron Super Sports

Ku gaciro k’amadolari y’Amerika 2,400,000, iyi niyo ihenze yemerewe n’amategeko kugendera mu muhanda (si imihanda iyo ariyo yose), kandi ushobora kubona ku isoko. Ni nayo modoka ishobora kwihuta kurusha izindi ku isi, aho yageragejwe ku itariki ya 10/07/2010 mu isiganwa na Super Sport Version yakozwe mu 2010, ikagenda ku muvuduko wa km 267 mu isaha.

Pagani Zonda Clinque Roadster

Ifite agaciro k’amadolari y’Amerika 1,850,000. Ni imwe mu modoka zidasanzwe kandi zihenze cyane ku isi. Ishobora kugenda ibilometero 217 ku isaha.

Lamborghini Reventon

Ifite agaciro k’amadolari y’Amerika 1,600,000. Ni imodoka ikomeye cyane kandi ihenze cyane yo mu bwoko bwa Lamborghini. Ifite umuvuduko wo hejuru wa km 221 ku isaha. Ukuntu zakozwe ari nke (hakozwe 20 gusa) n’uburyo zikozwemo nibyo bituma zihenda aka kageni.

Koenigsegg Agera R

Ifite agaciro k’amadolari y’Amerika 1,600,000. Agera R ni imodoka ishobora kugenda ku muvuduko wa km 260 ku isaha ariko umuvuduko yagenewe mu ruganda ni km 235 ku isaha.

McLaren F1

Igira amadolari y’Amerika 970,000. Mu 1994, McLaren F1 niyo modoka yahenze kandi yihutaga cyane ku isi. N’ubwo yari yarakozwe imyaka 15 mbere y’uko ijya ahagaragara, yasohotse mu ruganda ifite umuvuduko udasanzwe wa km 240 ku isaha kandi no kugeza ubu McLaren F1 niyo modoka iza ku isonga mu modoka zikunzwe, zikoreshwa mu masiganwa.

Ferrari Enzo

Ku gaciro k’amadolari y’Amerika 670,000. Niyo modoka yakunzwe cyane ku isi mu modoka zakoreshejwe mu mikino. Enzo yagenze umuvuduko wo hejuru yagenze kuri km 217 ku isaha. Imodoka nk’izi 400 nizo zonyine zakozwe, ariko ubu igura make muri ubu bwoko muri cyamunara iragura atari munsi y’amadolari y’Amerika 1,000,000, ni ukuvuga miliyoni 600 z’Amanyarwanda.

Pagani Zonda C12 F

Ku gaciro k’amadolari y’Amerika 667,321. Yakozwe n’ikompanyi nto yo mu Butaliyani yigenga. Pagani Zonda C12 F ifite umuvuduko wo hejuru wa km 215 ku isaha.

SSC Ultimate Aero

Iri ku gaciro k’amadolari y’Amerika 654,400. Iki giciro n’ubwo cyagutangaza ko ari gito ugereranyije n’izindi, iyi niyo modoka ya 3 mu muvuduko ku isi aho yagenda km 257 ku isaha n’ubwo ifata umwanya wa 7 mu guhenda. N’ubwo kandi ihendutse ku kigereranyo cya kimwe cya kabiri ugereranyije n’iya mbere kuri uru rutonde, ifite imbaraga zihagije zatuma bijya mu isiganwa rimwe. Hakekwa y’uko haba harakozwe imodoka 25 gusa zo mu bwoko bumwe n’iyi.

Ascari A10

Ifite agaciro k’amadolari y’Amerika 650,000. Iyi modoka ishobora kugendera ku muvuduko wa km 251 ku isaha. Uruganda rwo mu Bwongereza rwayikoze rurateganya kuzakora 50 nkayo.

Saleen S7 Twin Turbo

Igura amadolari y’Amerika 555,000. Niyo modoka ya mbere yakorewe muri Leta Zunze Ubumwe za Amerika yemerewe kujya mu mubare w’imodoka zidasanzwe. Iyi modoka nayo ni iya kane ku isi mu muvuduko, aho yagenda km 248 ku isaha.

Koenigsegg CCX

Igura amadorari y’Amerika 545,568. Iyi yakorewe mu Busuwisi. Koenigsegg ubu ni iya gatanu ku isi mu muvuduko, aho igenda km 245 ku isaha. Bakoze indi modoka yitwa Koenigsegg Agera R ngo ihangane na Bugatti Veyron mu muvuduko mu rwego rwo gushaka kuzaca agahigo ko gukora imodoka yihuta kurusha izindi ku isi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO