Ikibuye kizagonga isi tariki 5 Gashyantare 2040

Mu mwaka wa 2011 havumbuwe ibuye ryiswe 2011 AG5 ubu rikaba rihangayikishije inzobere n’abashakashatsi mu bumenyi bw’isanzure kuko hari ibimenyetso bigaragaza ko tariki 5 Gashyantare 2040 rizahitana isi.

Muri rusange mu isanzure hari ibibuye bisaga ho gato ibihumbi 560 nk’uko urubuga wikipedia.org rubitangaza, muri byose ntibikunze kugaragaza ibimenyetso byo kugongana n’isi cyane uretse ikiswe 2007 VK184 n’iki twavuze hejuru.

Iki kibuye cyavumbuwe muri Mutarama 2011, i Arizona muri Leta Zunze Ubumwe z’Amerika kugeza n’ubu hashyizweho amatsinda menshi ashinzwe kugikurikiranira hafi idakika ku rindi , umunsi ku wundi, amenshi muri yo ni ay’ikigo cya Leta Zunze Ubumwe z’Amerika kizobereye mu by’isanzure (NASA).

Ikibuye 2011 AG5 gifite umurambararo wa metero 140, ariko abashakashatsi ntibarabasha kumenya ingano, uburemere n’ibikigize nyabutabire byacyo.

Detlef Koschny wo mu kigo cy’u Burayi cyita ku bijyanye n’isanzure (ESA), mu Ishami rikurikirana imibumbe igaragiye izuba (Solar System) yatangarije ikinyamakuru cyitwa Huffington Post ko imibare igaragazwa kugera ubu ikirimo urujijo.

Foto : astrocosmos2002.blogspot.com