Kwamamaza

Abaherwe b’Abanyamerika bagiye kwigarurira amabuye yo mu kirere

Yanditswe kuya 26-04-2012 saa 11:01' na Fabrice KWIZERA
     


Igaragiwe n’inkunga y’abaherwe b’Abanyamerika, isosiyete Planetary Resources irateganya gukoresha ubutunzi buri mu mabuye yo mu kirere agenda hafi y’Isi mu gihe kitarambiranye.
Nk’uko tubikesha France 24, uyu mushinga ugaragara nk’udasobanutse neza, ushyigikiwe na Sergey Brin umwe mu bashinze Google, Perezida wayo Eric Schmidt n’ukora amafilimi James Cameron. Aba bagabo batatu bakaba baramaze kugeza inkunga yabo kuri iyi sosiyete yatangaje ko iteganya guhindura aya mabuye akarima ka muntu. (...)

Igaragiwe n’inkunga y’abaherwe b’Abanyamerika, isosiyete Planetary Resources irateganya gukoresha ubutunzi buri mu mabuye yo mu kirere agenda hafi y’Isi mu gihe kitarambiranye.

Nk’uko tubikesha France 24, uyu mushinga ugaragara nk’udasobanutse neza, ushyigikiwe na Sergey Brin umwe mu bashinze Google, Perezida wayo Eric Schmidt n’ukora amafilimi James Cameron. Aba bagabo batatu bakaba baramaze kugeza inkunga yabo kuri iyi sosiyete yatangaje ko iteganya guhindura aya mabuye akarima ka muntu.

“Turateganya gushyira ubutunzi bw’aya mabuye mu maboko y’ikiremwamuntu”, ni ibyavuzwe mu kiganiro n’abanyamakuru na Peter Diamandis, umwe mu bashinze iyi sosiyete akaba ari nawe watangije ubukerarugendo bwo mu kirere.

Kugira ngo ibi bigerweho, iyi sosiyete irateganya mu myaka ibiri iri imbere gushyira ibyuma bireba mu isanzure (telescopes) bizafasha kwiga no gukora ikarita y’aya mabuye aca hafi y’isi. Bikaba bivugwa ko hari akabakaba 1,500 muri iki gihe nibura afite metero 50 z’ubugari. Peter Diamandis akaba avuga ko 10% muri yo afite amazi n’ubundi butunzi.

Nyuma yo kubona amabuye y’agaciro yo mu kirere ashobora kuba abitse zahabu, nickel, fer na platine, igitahiwe ni kureba ko ubwo butunzi bwagira icyo bumarira abantu. “Mu kabuye gato gakungahaye muri platine, hashobora kuvamo ingana n’icukurwa ku isi ubu”. Ibi ni ibitangazwa na Peter Diamandis.

Nubwo bimeze bitya ariko, inyingo yakozwe na NASA irerekana ko ikoranabuhanga ririho ubu ritaragera ku rwego rwo kuba ryagira icyo rifasha mu kujya gucukura kuri aya mabuye yo mu kirere, bikaba bitazanashoboka mbere y’umwaka wa 2025.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved