Kwamamaza

Uruganda rwa Samsung rugiye guhomba Miliyari eshatu z’amadolari mu mezi atandatu

Yanditswe kuya 14-10-2016 saa 08:41' na Cyprien Niyomwungeri


Uruganda rwa Samsung rwatangaje ko rwiteguye guhomba miliyoni zigera kuri eshatu z’amadolari ku nyungu rwari rwiteze mu mezi atandatu ari imbere, bitewe n’icyemezo ruherutse gufata cyo gukura ku isoko telefoni zo mu bwoko bwa Samsung Galaxy Note 7 kubera ibibazo byo guturika batiri.

Mu itangazo rigenewe abanyamakuru kuri uyu wa Gatanu Samsung yatangaje ko hagati y’Ukwakira n’Ukuboza inyungu yabo izagabanukaho miliyari 1.8 z’amadolari naho mu gihembwe cya mbere cy’umwaka utaha ikagabanukaho miliyoni 900 z’amadolari.

Kuva uruganda rwa Samsung rwafata icyemezo cyo gusaba abakiriya batunze ziriya telefoni kuzizimya ndetse n’abazicuruza kuba babihagaritse kugira ngo ibanze ikore iperereza ku iturika ryazo rivugwa, kuwa Gatatu w’iki Cyumweru rwasanze inyungu yarwo yaragabanutse iva kuri miliyari ibihumbi 7.8 z’amafaranga akoreshwa muri Korea y’Epfo zigera kuri 5.2.

Samsung yasohoye Galaxy Note 7 ngo ihangane na mukeba wayo ku isoko Apple, abasesenguzi basanga kuba habayeho iki kibazo bizigabanyiriza icyizere yari ifitiwe ku isoko ry’ikoranabuhanga.

Uruganda rwa Samsung ruvuga ko ruzakomeza kwibanda ku kongera ubwiza n’ubuziranenga bw’ibyo rukorera abakiriya.

Galaxy Note 7 zikomeje guteza igihombo Samsung

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved