Kwamamaza

Umuyobozi mushya wa MTN yasezeranije ko izakomeza kuba ku isonga

Yanditswe kuya 25-11-2016 saa 11:44' na Mukaneza M.Ange


Sosiyete y’itumanaho, MTN Rwanda yahaye ikaze umuyobozi wayo mushya, Bart Hofker ndetse inifatanya n’abakiliya n’abafatanyabikorwa bayo mu kwishimira ibyagezweho muri uyu mwaka.

Ibi birori byabaye mu ijoro ryo ku wa 24 Ugushyingo 2016, byitabiriwe n’abayobozi batandukanye barimo Minisitiri w’Ikoranabuhanga n’Urubyiruko, Jean Philbert Nsengimana na Guverineri wa Banki Nkuru y’Igihugu, John Rwangombwa.

Mu ijambo yagejeje ku bari bitabiriye ibi birori, Bart Hofker ufite inkomoko mu Buholandi yavuze ko amaze iminsi 10 ageze mu Rwanda kandi ko yishimiye uburyo yakiriwe neza.

Ati” Mfite uburambe bw’imyaka isaga 25 mu bijyanye n’itumanaho, irigendanwa n’iritagendanwa. Mu mezi arindwi ashize nakoreraga muri Afurika y’Epfo aho nigiye byinshi. Iyi myaka 25 y’ubunararibonye niyo nzazana muri MTN Rwanda. Dukeneye kuba aba mbere, tugiye kurushaho kunoza itumanaho kandi tuzakomeza kuyobora mu itumanaho, iri niryo sezerano.”

Hofker yakomeje avuga ko acyumva ko hari amahirwe y’akazi mu Rwanda, yahise atekereza Jenoside ariko nyuma akaza kuganira n’abantu batandukanye bamubwiye ko ibintu byahindutse maze yahagera nawe agatungurwa n’iterambere yahasanze ahamya ko ari itangiriro kandi ko bishoboka kuba nka Hongkong cyangwa u Busuwisi bwa Afurika.

Umuyobozi mukuru w’ishami rishinzwe ubucuruzi muri MTN, Munyampundu Norman yavuze ko uretse kwakira umuyobozi mukuru, iki gikorwa cyo gusabana n’abakiliya b’imena cyiswe ‘MTN Corporate Gala’ ari ngarukamwaka mu rwego rwo kubashimira kuko usanga ari bo batanga amafaranga menshi ku bijyanye no guhamagara ndetse na Internet.

Yakomeje avuga ko amafaranga batanga ariyo atuma babasha gushyiraho serivisi nshyashya aho mu ziherutse gutangizwa mu minsi ya vuba harimo nka MTN Call Assist ifasha ibigo bito n’ibiciriritse kwakira ibibazo by’abakiliya babyo ku buryo bworoshye, Uburyo bwa ‘Kozaho wishyure (Tap&Pay)’ bufasha abakoresha Mobile Money kwishyura ibicuruzwa bitandukanye.

Muri ibi birori kandi MTN Rwanda yahaye ishimwe abafatanyabikorwa bayo bakoranye neza muri uyu mwaka wa 2015.

Hanabaye tombola aho abanyamahirwe batandukanye batahanye telefoni za Blackberry Passport, Smartphone zo mu bwoko bwa Fero, amafaranga, televiziyo ya Startimes ndetse n’itike y’indege yatanzwe na Sotguru.

Kugeza ubu MTN Rwanda ifite abantu miliyoni 4.1 banditse ku murongo wayo, muri bo miliyoni imwe ni abakiliya bahoraho bohererezanya amafaranga agera kuri miliyari 70 mu gihe cy’iminsi 30 bakoresheje Mobile money.

Abafatanyabikorwa bitwaye neza bashimiwe
Ange Umuisa, umugore wa DJ Pius ni we wayoboye ibirori
Guverineri wa Banki Nkuru y'Igihugu na we ari mu abari bitabiriye ibi birori
Hofker yahawe inkoni, icumu n'ingabo bizamufasha gukora akazi ke neza
Lamin Manneh, uhagarariye imiryango ishamikiye kuri Loni mu Rwanda
Meya wa Nyarugenge, Kayisime Nzaramba, agera ahabereye ibirori bya Mtn Corporate Gala
Minisitiri Nsengimana na we yabaye umwe mu binjiye mu buryo bwo kwishyura hakoreshejwe Tap&Pay
Minisitiri w'Urubyiruko n'Ikoranabuhanga, Jean Philbert Nsengimana n'Umuyobozi mushya wa MTN Rwanda, Bart Hofker
Robin Bairstow uyobora I&M Bank ibumoso
Sanjeev Anand, Umuyobozi wa Banki y'Abaturage y'u Rwanda
Umuyobozi Mukuru w'Ishami rishinzwe ubucuruzi muri MTN Rwanda, Munyampundu Normand ashimira abakilya ku ruhare rwabo
Umuyobozi Mushya wa MTN Rwanda n'umugore we
Umuyobozi ushinzwe ubucuruzi muri Cogebanque, Louis de Monfort
Umuyobozi w'Inama y'Ubutegetsi ya MTN Rwanda, Dr Gatera James
Uyu yatomboye televiziyo yatanzwe na Startimes

[email protected]
Amafoto:Luqman Mahoro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved