Havumbuwe uburyo bwo gukoresha telefone amezi atatu itarashyirwa ku muriro

Yanditswe na M Moïse
Kuya 11 Nzeri 2017 saa 08:36
Yasuwe :
0 0

Abashakashatsi bo muri Kaminuza za Michigan na Cornell muri Leta Zunze Ubumwe za Amerika bavumbuye uburyo bushobora kugabanya umuriro telefone ikoresha ikaba ishobora gucomekwa nibura inshuro imwe mu mezi atatu.

Nk’uko koza amenyo no gusokoza umusatsi bikorwa na bamwe inshuro irenze imwe ku munsi ni ko mu bakoresha telefone hari abakenera kuyicomeka inshuro nk’ebyiri, gusa ibi bishobora guhinduka amateka mu gihe kiri imbere ikajya ishyirwamo umuriro rimwe risa mu gihe cy’ukwezi.

Abahanga mu by’ikoranabuhanga batangije uburyo bushya bushobora gufasha telefone gukoresha umuriro muke ku gipimo cyo hasi.

Aba bashakashatsi bavumbuye akuma gashya mu twifashishwa hakorwa telefone gakoresha umuriro muke inshuro 100 ugereranyije n’utwari dusanzwe dukoreshwa.

Iri koranabuhanga ritangiye gukoreshwa ryakemura byinshi dore ko ibikoresho by’ikoranabuhanga bikoresha 5% by’umuriro isi ifite nk’uko Umuyobozi Ushinzwe Ikoranabuhanga muri Lawrence Berkeley National Laboratory, Ramamoorthy Ramesh yabitangaje.

Independent dukesha iyi nkuru itangaza ko hatagize igikorwa, ibikoresho by’ikoranabuhanga byazaba bikoresha amashanyarazi ari hagati ya 40 na 50% by’ayo isi ifite yose mu 2030, ubu buryo bukaba ari ubwa mbere bwafasha mu guhangana n’iki kibazo.

Ikibazo cy’umuriro muri telefoni gishobora kuba amateka ku isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza