BlackBerry yahagaritse burundu gukora telefoni

Yanditswe na Ishimwe Israel
Kuya 29 Nzeri 2016 saa 06:58
Yasuwe :
0 0

Nyuma y’imyaka igera kuri 14 ikora telefoni nziza kandi zakunzwe na benshi, Blackberry yatangaje ko ihagaritse burundu kongera kuzikora.

Ibi Umuyobozi w’iki kigo, John Chen, cyahoze cyitwa Research In Motion/RIM yabitangaje ku itariki 28 Nzeri 2016, avuga ko Blackberry yahagaritse gukora telefoni ahubwo ikaba igiye kwibanda kuri porogaramu zijyanye n’ikoranabuhanga.

Iki cyemezo cyafashwe nyuma yo kubona ko iki kigo cyashyize hanze telefoni ya mbere ya Blackberry 581 muri Werurwe 2003, kitakibashije guhangana ku isoko n’izindi Sosiyete nka Apple na Samsung.

Umuyobozi Mukuru wa Blackberry, John Chen, muri Gicurasi uyu mwaka yari yatangaje ko muri uku kwezi aribwo bazafata icyemezo cyo guhagarika cyangwa bagakomeza kwikorera telefoni.

Kuri uyu wa Gatatu rero nibwo Blackberry yatangaje ko ibihagaritse ko ahubwo mu gihe ibikeneye izajya yifashisha izindi sosiyete.

Chen ariko yavuze ko mu minsi mike bateganya gushyira hanze Blackberry ifite aho bandikira hatari ikirahure ahubwo hasanzwe(physical keyboard) dore ko ari nabyo benshi bayikundiye.

Umukozi mu Kigo gitanga ubujyanama mu bijyanye n’Ikoranabuhanga, CCS Insight, Ben Wood, yabwiye BBC ko mu gihembwe cya kabiri Blackberry yagurishije telefoni ibihumbi 400 gusa, umubare uri hasi ugereranyije n’izagurishijwe mu mezi atatu yari yabanje.

Yagize ati “ Blackberry yabonye itakomeza kwikorera telefoni kugira ngo ihaze umubare muke w’abakiliya bayo.”

Yakomeje avuga ko nubwo Blackberry iteganya kujya yifashisha izindi sosiyete ngo ziyikorere telefoni, nta cyizere ko nazo zitazahura n’ibibazo byo kudacuruza.

Blackberry itangaje ibi mu gihe mu Ukwakira 2015 yari yashyize hanze telefoni zo mu bwoko bwa PRIV na DTEK50 za mbere zikoresha Android kugira ngo irebe ko yabasha kongera kwigarurira isoko.

Blackberry yahagaritse kongera gukora telefoni

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza