Kwamamaza

Amafoto ya mbere ya iPhone 7 na iPhone 7 Plus yageragerejwe mu Rwanda

Yanditswe kuya 16-09-2016 saa 08:31' na Rabbi Malo Umucunguzi


Umunyamerika Austin Mann, aheruka guhabwa n’uruganda rwa Apple telefoni ebyiri zigezweho zigomba kujya ku isoko muri Nzeri uku kwezi, ahabwa imwe ya iPhone 7 na iPhone 7 Plus, afata rutemikirere yerekeza mu rwa Gasabo, aHo yafashe amafoto n’amashusho y’ikinyamakuru National Geographic.

Izi telefoni zigezweho, zerekanye ubushobozi budasanzwe mu gufata amafoto n’amashusho, mu bihugu yafatiweno birimo u Rwanda, Iceland, u Busuwisi no muri Amerika y’Amajyepfo mu gace ka Patagonia.

Uyu Munyamerika mu Rwanda yahagiriye ibihe byiza, aho yabashije gusura ahantu nyaburanga kuva muri Pariki y’Igihugu ya Nyungwe, kuzenguruka u Rwanda na kajugujugu no gutembera mu kiyaga cya Kivu, ibihe byiza mu Rwanda abishyiraho akadomo yitegereza Ingagi zo mu Birunga, buri ntambwe y’urugendo rwe akayibika yifashishije iPhone 7 na iPhone 7 Plus.

Izi telefoni nshya, nka iPhone 7 ikoze mu buryo bwihariye kuko ushobora kuyishyira mu mazi hasi ntigire ikibazo na gito, ifite kamera zigezweho, ububiko bwayo bungana na GB 256, ndetse ntibikiri ngombwa ko ucomeka muri telefoni utwuma two mu matwi ngo wumve nk’umuziki.

Izi telefoni zirihariye

Ku itariki 7 Nzeri nibwo uruganda rw’ikirangirire mu bikoresho by’ikoranabuhanga n’isakazamakuru, Apple, rwashyize ahagaragara imisusire ya iPhone 7 na ngenzi yayo iPhone 7 Plus, zigomba gutangira kugurishwa kuri uyu wa Gatanu tariki 16 Nzeri.

iPhone 7, ifite uburemere bw’amagarama 138, ikaba ijyamo sim card babanje kuyikata hagendewe ku ngano isanzwe. Ifite ububiko bwihariye (RAM) bungana na GB 2, n’ububiko umuntu ashiraho ibintu ashaka nk’amafoto n’amashusho bungana na GB 256.

Ifite kamera (Camera) y’inyuma ifite ubushobozi bwo gufata ifoto bwa ‘Mega Pixels’ 12, naho kamera y’imbere ikagira MP 7 mu gihe nka iPhone 6 yari ifite esheshatu. Ifite ubushobozi bwo gufungishwa igikumwe, gukora amasaha 14 iri gukoresha umurongo wa 3G, n’amasaha 40 iri gukina umuziki gusa.

Iboneka mu mabara atanu arimo Umukara werurutse, umukara wijimye, Umuringa, Zahabu n’Iroza rijya kuba umuhondo, zikanatandukanywa n’ingano y’ububiko zifite, kuko hari ifite GB 32 (iragura £599), iya GB 128 (iragura £699) n’iya GB 256 (iri kugura £799). Ibi biciro ni ibyo mu Bwongereza.

Mu mafaranga y’u Rwanda ni ukuvuga 637 743 Frw, 744 211 Frw na 850 679 Frw nk’uko bikurikirana.

Iyi telefoni ntikeneye ko ubanza ucomekamo akuma gafasha kumvira mu matwi [ecouteur] ngo ubashe kuyumviramo, ahubwo ifite ako ucomeka mu gutwi gusa, ibindi bikikora mu buryo nziramugozi. AkA kazwi nka ‘AirPods’ kishyuzwa £159 y’inyongera.

Apple iPhone 7 Plus

IPhone 7 na iPhone 7 Plus iyo uzirebye zirasa cyane na iPhone 6s na 6s Plus zazibanjirije. Gusa iPhone 7 Plus yo yahawe kamera ebyiri inyuma, imwe igakora nk’iyorohereza indi ngo igire ifoto inoze kurushaho, kamera y’imbere ikaba ifite MP 7 aho kuba MP 5 za iPhone 6.

Iyi telefoni yo ifite amagarama 188, mu gukoresha internet irihuta cyane inshuro eshatu ugereranyije na iPhone 6, kuko ibasha kohereza 450Mbps icya rimwe.

IPhone 7 Plus ifite ingeri eshatu zinyuranye, harimo ifite ububiko bwa GB 32 (iragura £719), ifite ububiko bwa GB 128 (iragura £819) n’ifite ububiko bwa GB 256 (yo igura £919) byose ku biciro byo mu Bwongereza.

Mu mafaranga y’u Rwanda ni ukuvuga 765 504 Frw, 871 972 Frw na 978 440 nk’uko bikurikirana.

Iyi telefoni kandi ishorora kujya mu mazi mu ntera ya metero imwe y’ubujyakuzimu ikagumana imikorere isanzwe mu gihe cy’iminota 30, zikanagira mikoro ebyiri zivugira icya rimwe, harimo ikoreshwa mu guhamagara n’indi yo ku ruhande rwo hasi.

Amafoto yafashwe n’izi telefoni mu bice bitandukanye by’u Rwanda

i Phone 7 ifite camera imwe ishobora gukurura ikintu inshuro esheshatu
iPhone 7 ifite kamera ebyiri
Zifite indangururamajwi ebyiri
Ni telefoni zihanganira amazi

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved